هذه القصيدة قيلت أمام صاحب السمو الملكي " الأمير . سلطان بن عبدالعزيز " ولي العهد ووزير الدفاع والطيران والمفتش العام بمناسبة زيارة
الميمونة بمحافظة " حفر الباطن " أثناء أزمة الخليج عام 1412 هـ
[poem=font=",6,deeppink,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يالله إني طالب ٍ منك عز ٍ وإنتصار = وأذكر الله جل شانه على العرش معبود
واذكر الله واشكره واطلبه ليل ونهار = وأحتمي عن زمرة السوء مولاي السعود
قال ابو فيصل تقدم سرايانا وصـار = يوم نكدر به يدين الشجاح من الشرود
طق بغداد وخلى حماياته فرار = من سلم منهم هاك اليوم ماظنه يعود
كم من مبنى تهدم وفجر من مطار = مثل هذا الحرب ماصار من عاد وثمود
وهيه ياللي من ملكهم تحذون الخبار = ابشروا بالعز من جيش اخو نورة يزود
الكويت محرر ياعرب بأول مغار = وغير حده من بلاد العدو حرر حدود
ذي مضاريب الفهد يامودين الخبار = يشهد التاريخ ودول من كل البدود
الفهد هذا الفهد حر من ماكر حرار = خادم البيتين عوق المعاند والحسود
سيس الخطه ووقع عليها المستشار = أبو متعب وأبو خالد وشجعان السعود
وأبو خالد وأبو متعب طويلين العمار = الكل منهم بالمهمه هاك اليوم محمود
عيال عود مرسي نجد بأمن وأزدهار = عن غزاة الشرك والكفر رقاها سنود
محتمين نجد بالسيف عن روس كبار = من شمال ومن جنوبيها طول الحدود
ومن شمال وشرق وماطرت القبلة يسار = عززوها وأنخزى كل طماع وحسود
لْبست ثياب الفرح وأنجلا عنها الغبار = طهروا جنابها مثل تطهير الجدود
قوة تدعي المنايا نيران الشرار = حطمت صدام عقب الطنا وإدماء الكبود
عاملوه معاملة سوء باسلاح الدمار = لين جيشه ما بقى له باماكنهم وجود
ثلث من جيشه ميسر وثلث أمسى فرار = وثلث من جيشه ضحايا على الساحة رجود
وشار عبدالله وسلطان شور ٍ مايدار = بأمر قايدهم وهم ساس بيته والعمود
ونفذوا بامر الملك قوة من كل دار = كل يوم الفين طلعة وستمية وزود
وأعلنوا للرافضي وأكتشفهم بالردار = وعنهم أدبر يوم وردوا على بيته ورود
وهدموا مبنى الإذاعة ومبنى الأختبار = وغيرهن ملجأ على حزب صدام مهمود
وبيت صدام يهدم وعنه الكـلب نار = عايفن بيته ومافيه وأجتاز الحدود
وضربوه براجمات شديد الأنفجـار = والمدافع بالعواصم مثل قصف الرعود
عقب ما بيته محصن غدى ساسه هيار = وكيف عينه تقبل النوم والبيت مهدود
سبعه أشهر قبلها فوق صدام أحتصار = وكل مازاد وتعدى يردونه ردود
وعقبها قالوا له أنته بسوق الأختيـار = أنسحب ولا سحبناك بالجيش الصمود
وقاد جيشه للخطر بين نار وبين عار = رافض ٍ خان ميثاق الأمة والعهود
يحسب ان الحرب شربة قوارير السكار = جاب من ياسر عرفات وانصاره عضود
ياهلا العوجى حمات الوطن عن كل عار = يوم صدام تبين وجرد له جرود
يا أهل العوجا عليهم وخلوهم دمار = ياهل التوحيد ماعن ملاقاها صدود
من عوايدكم على الموت تهدون العمار = حدر جياب المنايا وحلال العقود
ليتني معكم هاك اليوم يوم الملح ثار = وأتحلى بفعلكم ياعريبين الجدود
ظنتي عقب هاك اليوم يعلن بإنتحار = أو تجيبونه ميسر على الكره محدود
نكس الأعلام صدام وأعلن وأستخار = وإنهزم عقب تحديه للعالم شرود
سلم المبغي وصدر على نفسه قرار = وتاب عقب منازلاته يبي بس الرقود
أندمر وأنهار عقب التعنت والسطار = وتبت ياصدام وأعلنت يالهيس الربود
طوعوك اخوان الأنور بصلفات المثار = وخضت حرب أم المعارك ولا حصلت فود
كود سرب يرجمنك بليل وفي نهار = راح جيشك للصواريخ وبلاده وقود
ولو تزبن ديرة ما تلفيك الديار = لو تحلق للسماء يم مانفذ تعود
وذا جزى اللي ماتمشى بتنفيذ القرار = ينصحونه مير صدام في رأيه عنود
جوه في كل الوسائـل وحطو له حوار = وقالوا أسحب قوتك قبل يافن الوعود
وأنجحر ياضب لك برضمات حدر غار = لا تحط مغامره وأنت باللقوه هبود
الله أكبر فوق صدام دار السو دار = يوم عادى وأعتدى صاده الحر الصيود
وختمها صلوا على محمد سر وجهار = وعد مايسقي من الوسم وأخضر كل عود
[/poem]الــشــاعــر { محيــا شريــدة محيـــا الجمـــيــلي }