الشاعر محمود مسيعيد المحارب رحمه الله في عواد شاوي

الشاعر محمود مسيعيد المحارب الجميلي في عواد شاوي الجميلي

الذيب الا منه عوأ جاوبه ذيب
وكلب الضحى لامن نبح تنبح كلاب

وأنا أدور من يرد بالمعازيب
ولاخيربالفزعات من حدر الاطناب

اما يجي من فوق ضلع المراقيب
ولآ ينتحي قبل تفسير الاسباب

العمر ماوالله بقى فيه تجريب
يوم ورا يوم ولا باقى حساب

ياعمنا ماهي بلحيه مراحيب
ولا هي بلحية ودنا والعذر طاب

انا ابي كحيلان قد المصاعيب
يفعل ليا مني نخيته ولايهاب

يضرب علي الكايد ولانخوتي عيب
ماهي نخوه دون تلعات الارقاب

ماوالله اني شاكي حاجة الجيب
ولاني جلاوي ثار عن دار الاصحاب

تدرون وشهي حاجتي والمطاليب
كلي املي بالله لقيأ بالاحباب

تكفون تكفون ياعوق المعاطيب
ومن لاذ بحماكم من الوقت ماعاب

وانا ابن محارب مبعد عن الريب
ولد حمايل مابقي من الشك مثلاب

جدى ذرا منهو حدته اللواهيب
له مجلسا ماخالط فيه كذاب

يابن شاوي يامرتكي للمناشيب
عواد سمي السيف فكاك الانشاب

الله يعزك يانصير المناكيب
ياراعي اليمني الطويله والاسباب

وقتي يابو مشاري يدير الداوليب
العمر توه لاكن الراس شاب

قامت تناهشنا المصايب وانا مصيب
ومنهو يقول الوقت بمعانده طاب

اليوم جاء وقت يعيب المصاليب
ماهو زمان سيوف ومطارد اركاب

الفارس اللي ياخذ النعم بالطيب
بالخير ولا الشر في صاحبه خاب

قلت القوافي وحتري يالمناجيب
فزعة ابن عم ولا فزعه اجناب

هذا الذي في خاطري ولا اعلم الغيب
وكلن على ماقيل بالنيه يثاب