#قصيدة كلي فخر
أهداء من الشاعر : سعيد المحطب الى كل المرشحين من قبيلة الجميل والى كل رجال القبيلة بمناسبة الفوز بالانتخابات اتمنى تنال إعجابكم
الشعر للموقف حضر ماله عذر
دام المواقف حامية طوع يحضر
أسعى لكسب الكايدة وأطولها
أنقى درر وأنحت من أفكاري صخر
وأوشح بيوت الجزاله بالحلي
وتشد فكر المستمع واهل النظر
شاعر وجزلات البحور أغوصها
أجني ذهب وأملك بميناها مقر
ومجمل بيوته من ذهب شيدتها
ومعزب الضيفان والحاكم فكر
أمشرع أبوابه كرم مفتاحها
بصمة فكر واللي تصنع ماقدر
وحل الفخر ضيفن لها يامرحبا
للي الفخر في لابتي واكبر فخر
دام البيوت افعال ربعي ضيوفها
أقلط على جزل المعاني يالشعر
عانق سماء الامجاد وأصعد صوبها
وتعد فوق المزن لو هل المطر
وقل للفضاء اللي بالكواكب يزدحم
تبقى لنا فزعه مثل شمس الظهر
الفزعة اللي كل رقمن عدته
كنها على الأول تبشر بالخبر
المركز الأول بكل المملكة
تناقله كل العرب بدو وحضر
والحمد لله قسمنا خير القسم
بالشعبة ولينه وفزنا بالحفر
والله يبارك بالرجال وجهدها
اللي تشوش بالحميا والسطر
نلتوا كراسيها وجبتوا كاسها
واللي خسر من بيننا لا ماخسر
مابيننا خاسر ولا رجل" ردي
والصف واحد والهدف فوز ونصر
أفعالكم يالابتي افخربها
يا أخوان سلمى يامقابيس الظفر
ينحت على وجه الزمن فعل" لكم
والمجد يكتبكم ويقراكم جهر
ياصفوة رجال الحمية لانتخى
من شانه حاله من صواديف الدهر
انتم لها لو هي عصت أنتم لها
بكفوفكم كنز العطاء ما احدن قصر
ياعيال جامل والمعاني شامخة
أنتم سنام المجد وحزام الظهر
ياأهل العقول اللي تعدل المايله
هذا كلام الصدق حق ومعتبر
واللي يميز دقها من جلها
ينظر بعين العقل ويعيد البصر
زرع التكاتف قد حصدنا غرسته
هذا الحصاد اخذوا من الواقع عبر
وعز القبيله في فعول عيالها
فعل الولد يصنع لها مجدن ظهر
حنا جميل العز شامخ صرحنا
إعزاز الأنفس مابنا قاصر شبر
بأصدق لسان أقولها في لابتي
شاعر وابمدح لابتي ولهم شكر
من دون قاصر بالقبايل كلها
كلن ببحر الطيب له مد وجزر
أمجادهم وأفعالهم نسمع بها
مادام فعل الطيب بالطيب انتشر
لنا مع اهل الطيب ربع ومعرفة
خوة وفاء والرجل يلقى له قدر
وحنا لدار المملكة وحدودها
درعن حصين إن دق ناقوس الخطر
في ظل راية من تظلل رايته
اللي بدين الحق حارب وانتصر
ورفر شعار الدين في وسط العلم
والسيف طوع من ناوى له بالقشر
من وقت ابو تركي اخوه نوره الى
وقت المليك اللي بحزمه أشتهر
بيعاتهم بأرقابنا متواليه
متوارثين له الولا وله الأمر