الشاعر : سعد العويد
طرايف الشعر وبحور الخليل الجزال
طوعتها للرجال اهل الحسب والنسب
مايكسب الطايلة غير اليدين الطوال
اللي ليا كبرت القالة تفك النشب
روسٍ تقدّم اليا ثقلت حمول الجمال
ومن لاشرب في يمينه بالفخر ماشرب
والا ابراهيم يومن الليالي ليال
على صدر منكبينه شال عز الرتب
بين القبايل لنا عزوة ومضرب مثال
فيه نتفاخر ونفخر بين كل العرب
ابن منيجل اليا عدت فعول الرجال
تاريخ محفوظ بصدور الزمن والكتب
شيخ ٍلربعه عن شموس الليالي ظلال
يستاهل المدح وحروف السمو والادب
اي والله اني لاجل راسه لااشد الرحال
من لاحسب للمساري للمراجل حسب
الكفو نمشي له ونسرج ظهور الثقال
ونجيه فرحين للواجب اليا من وجب
دوم الجميلي على الفزعة يذب الطوال
يقدم على العز لاصاحت خيول الندب
شف كيف وقفاتنا لاثار عج القتال
بالحد مع جيش أخو نورة كريم الحسب
شجعان وانشد هــل النخوة كرام السبال
دون الوطن مانميلها مع ادنى مهب
نبيع الاعمار بالوقفات بيع الريال
في ظل سلمان والسيف الشطير الحدب
محمد اللي تحت ظله جنوب وشمال
نقوة حرار تبشر بالسعد والشبب