احدى قصائدي

بسم الله الرحمن الرحيم
السلام عليكم ورحمة الله وبركاته

اخواني اعضاء وزوار الملتقى يطيب لي ان اضع هذه القصيده المتواضعه
وهي رثاء بصاحب السمو الملكي الامير نايف بن عبدالعزيز رحمه الله
آمل ان تنال على اعجابكم


امانه ياهجوس الشعر انا طالبك بي تسرين
عبر نفح القصيد اللي يهب الوصف نسـماته

ابا ارثي سيدي نايف زعيم المجد حام الدين
رحــــل لاشــك بافــعاله ترك للناس بصــماته

تــرك تاريخ نمشي به وحتى اجيالنا بعدين
عــلـوم الامــن اسـسـها بـــتدبيره وخـــبراتـه

اسم نايف امن يدري به القاصي مع الدانين
وقف وقـفة جبل ماحدٍ وقف بالناس وقـفـاته

قــطع دابــر هل الــفتنه ورد الكـــيد للـــباغين
خـوارج قامــت تروج لــهـدم الامــن وافـلاتـه

مشوا في خطته حتى بلاد الغرب واهل الصين
سيـــاسه ناجـحه والكــل يــرفــع له تحيــاتــه

كفل حق الشهيد ولسرته يمشي لها التموين
جــزيلٍ بالعـطــا لا مـن عـطا جــزلات مـــداتــه

رحــل عنا ولـكن الخــلــف باخــوانه الباقين
ولي العـهــد سلمانٍ مشى نهـجه وخطـواته

عسى قبرٍ حوى نايف لغيث المزن اقول امين
وعسى ربي يعــيضك سيدي برياض جناته

مدام شعارنا التوحيد والنـخله مع السيفين
ودســـتور البلاد الهــدي والــقــرآن وايـاتـه

ستبقى يابلادي شامخٍ غصبٍ على العادين
تحت راية ابو متـعب وفـكره مــع سياسـاته

وصــلاة الله وتســليمه عـدد ماحـجوا ملبين
على محمد شفيع الخــلق يومٍ تبعث امواته

وسلامتكم

قصيدة في منتهى الروعة والجمال

كلمات وسبك وقافية ومعنى

صح لسانك وسلم فكرك

ورحم الله الأمير نايف بن عبدالعزيز رحمة واسعة

وافي يا زيد

لاهنت اخي ابو سلطان على الاشاده
وصحت ابدانك
لك تقديري

صح لسانك وعلا شانك يامبدع

الابداع تواجدك ابو اطياف
صحت ابدانك
لاهنت

صح لساااااااااااااانك

صح لسااااانك


قصيده رائعه

صح اللسانك ياشاعر

يعطيك العااافيه

مشكور