السلام عليكم ورحمة الله وبركاته..
اخينا الكريم حرالجميله هذه القصيده قصيده قديمه جدا ومشهوره
ويقال انها للشاعرحميدان الشويعرمن الخوالد..
ويقال انه شاعرنجدالاول في عصره..
كان اغلب شعره فكاهه وهجاء..وحكمه..
حتى انه لقب بحطيئة نجد..
كنت احفظ القصيده وهذه كامله بناء على حفظي لها قديما من كبارالسن..
ولكن قائلها سالت عنه بعض الرواة وهذا ماحصلت عليه والله واعلم
الله لايجزى الغناديربالخير… والله لايفــــــــــــتح لهن باب جنة
المبعدات المقربات المــــــــــــناكير…الطير لو هو بالخضــــــيراء رمنه
كم من سببهن خنقته المـــــــــــقادير…وكم من غريرٍ بالــــــــهوى لوعنه
وكم من صويب مثل أبو زيدوالزير… وكم من قتـــــيل مثل قــيس دفننه
وكم من عشيرراح يقضي المظاهير… يتبع أثــــــــرهن بالهوى غربلنه
وكم من سببهن طاح في جمــة البير…يبغى الظـــــــما ينزاح مار قبرنه
وكم من سببهن باع كل المـــــغاتير…يشري رضــاهن مار هن فظحنه
وكم من سببهن جــــرفته المعاصير… ذيب الخــلا مــع الــغنم سـرحنه
وكم من ولي أمرٍ علـومه تــــسافير…اليــوم خفــرات البنــي حكـــــمنه
وكم من سنافي سـمعته تسعد الغير…من عقب علم الطيب هن دهورنه
الله لايـــجزي الغـناديــر بالــــخير… إن كــــان ظيم الــناس منهن مغنه
أقـولها وانا بنـــــــص الطـــوابير…اللي لنا الــــخفرات هــن صفصفنه
والله اعلم
مع التحيه