تجحد الجرح وإلا ....

[poem=font=",6,blue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
تجحد الجرح ولا تشتكيه وتبوح=
ما كذب من يقول اللي ورى الناس كايد
لا وطاك الزمان ونوختك الجروح=
كن مالك بها الدنيا ربوع وبدايد
كثر ما في نصوح أزريت لا ألقى النصوح=
كن مالي نديم إلا صدور القصايد
لو زماني كفاني حادثات النزوح=
ماحسدت العيون بوصلها للوسايد
اقتنعت بنصيبي لونصيبي شحوح=
عزة النفس عن ذل الرجاوي فوايد
كل هذا وانا ما عندي إلا طموح=
واقتفت به معاسير السنين الشدايد
وانت ياللي على لمسة جروحي شفوح=
لك معي كان طال العمر يوم ووعايد
دمعتي غالية ترخص لها ألفين روح=
آه وش عاد لو محياي صبر وجلايد
ذيك الانذال ماتثني عزيمة لحوح=
دام له طولة العليا سلوم وعوايد
النجوح بحياتي ما يسمى نجوح=
دام ما أتوج أتعابي عقود وقلايد

[/poem]

بداح العبلان

صح لسان الشاعر المبدع والمتألق دائما الشاعر / بداح ماشع العبلان

تسلم يابو سلطان على النقل الرائع

اقتباس المشاركة الأصلية كتبت بواسطة الأمير صح لسان الشاعر المبدع والمتألق دائما الشاعر / بداح ماشع العبلان تسلم يابو سلطان على النقل الرائع

صحت أبدانك بالنيابة

وسلمك الله

شاعر بليغ واسلوب مرتب ويعرف يصف الكلام بعضه مع بعض بالقصيده خوش شاعر وعزالله انه يهز ويحرك مشاعر

صح لسان الشاعر المبدع


وأشكرك على النقل الرائع

اقتباس المشاركة الأصلية كتبت بواسطة هاني الثنيان صح لسان الشاعر المبدع وأشكرك على النقل الرائع

صح بدنك بالنيابة

وحياك الله يا أبا يوسف

صح لسان الشاعر

وأشكرك على النقل

المتألق يابوسلطان

اقتـنـعـت بنصـيـبـي لونـصـيـبـي شــحــوح
عــزة الـنـفـس عـــن ذل الـرجــاوي فـوايــد
.................................................. ........
صح لسان الشاعر الكبير

وتسلم يمينك ابوسلطان