عيون النداوي

اه من قلبن تولع بالهداوي
عفت كل الزين من شكله وزينه

ادعج العينين يا عيون النداوي
اشقرن توه قضيبن جايبينه

هو مرض قلبي وهو طبن مداوي
هو شفات الجرح والنفس الحزينه

عقبها كني من الغربه جلاوي
حال طول البعد من بيني وبينه

ليت منهو ساكنن عند الضحاوي
ويترقب زولها موضي جبينه

أشهد أن القلب في حبه شفاوي
وهني منهو مسكها في يمينه

كان طال الوقت وبطن الحراوي
عشت تال العمر في هم وغبينه

يالله اني طالبك قرب الهداوي
يا منجي نوح من فوق السفينه

راح عمري يابو موسى بالشقاوي
خابرك يالقرم فزاعن بحينه

يابن حمدان الهوى هم وبلاي
من يلوم القلب لبطا عن خدينه

حي من جاني على هاتف هواوي
جابنقل الواتس ماخطت يدينه

مرحبا واعداد ماب الليل ضاوي
وعد مابان القمر فوق المدينه

فيك ياعزالصديق ومن تخاوي
يارفيقن بالوفئ احباله متينه

يابو ثاني ما يفيدن المناوي
من تولع بالهوا ربي يعينه

الهوا ماله طبيب ولامداوي
غير حضن يجمع الخل بضنينه

قبلي وقبلك شكامنه العطاوي
ومن طبع به ماعرف قيمة ا سنينه

واشتكئ منه الزلاميي والنحاوي
وكم شجاع من الهوا شاف الغبينه

لان حب البيض مايرحم وياوي
من لعبه لازم يبيح كنينه

والغني الله ولاغييره غناااوي
ماخسر عبدن رفع لله يدينه

مستعد اصير لك عدن رهاوي
بكل مااملك لوتبي روحي رهينه

الله يجيرك من صدوف البلاوي
يجتمع شملك بشمله بالسكينه

رد الشاعر عبدالرحمن حمدان ع ثنيان العوده

صح السنكم

ويعطيك العافيه يا ابو ثاني

شاعر جزل

وابو موسى غني عن التعريف

.

نشكركم على المرور

الطيب

صح السنكم

ويعطيك العافيه يا ابو ثاني

شاعر جزل

وابو موسى غني عن التعريف