الشاعر : يوسف هادي
لاح براق الوسم في طلت سهيل اليماني
ثم تهيض خافقي ينحت معانيه الفريده
جر صوتك يامغني وابشر بجزل المعاني
خلنا نسبح بحور الشعر والرحله سعيده
كل ماغنا حمام الشوق بغصون الاماني
بعثر اوراق الغرام وجابلي ذكرى جديده
و الله انه لاطرى طاريه ولع بالمحانيء
لين يسري بي خياله وادري دروبه بعيده
كنت احسبه يازماني شي واثره شي ثاني
خابرن وصله شحيح وخابر ضروفه عنيده
قلبي اللي مل من طول الدقايق والثواني
ان جفيته مالقيته وان جفاني من يعيده
غير وصلك يادواء المشتاق والله مارواني
جل من صوّر جمالك ي تفاصيل القصيده
غض طرفك يانحيل الخصر ياسيد الغواني
رمش عينك يذبح العشاق غضي ياعنيده
ياغرامي لاتزيد الهجر دام العمر فاني
والله انك تسكن الخفاق واسمك في وريده
يا لساني لو نثرت الشعر والله ماكفاني
الله اللي خالقٍ خلقه ويفعل ما يريده