بـوتن وجـاك شيراك .. } بقلمي ..

السلام عليكم ورحمة الله وبركاتة
بسم الله الرحمن الرحيم ..
مرحباُ بكم بمنتدى الشعر الشعبي ..
هذه أول مُشاركة لى بالمنتدى وإن شاء الله تعجبكم ..



أنا يوم أحبك ماتخيلت فرقاك ×× ماحسب الفراق أنه يخليك مجنون

يالعنبو جدك وياكبر بلواك ×× ياهمي الكايد على مايقولون

ياوجد حالى كل مامر طرياك ×× واليا سمعت الناس باسمك ينادون

وجد الضرير اللي فقد كل الأملاك ×× مدوا جنايزهم عليهم يصلون

من هول ماصابة فقد حس الأدراك ×× والناس من حولة يجونه يعزون

من كثر حبي لك أدور لك رضاك ×× من كثر شوقي لك أنا مدري شلون

لو تطلب عيوني ترا عيوني فداك ×× واليا طلبت الروح انا حيل ممنون

أغليك وأحبك أنا أعشقك وأهواك ×× وأعز من عزك لو أنهم يكذون

يازين زولك لاتمنيت لقياك ×× سيل ٍ عليه أهل الضوامي يروون

واليا لمح بالعين زولٍ تحلاك ×× أقوم واللي قاعدين ٍ يقومون

يجوني العالم يقولون وش جاك ×× وأسمع سوالفهم يقولون مجنون

يعلهم فدوه حبيبي لماطاك ×× وأن كان مزعلهم كلامي لايرضون

يفداك بوش وبوتن وجاك شيراك ×× وبلير وكولن باول وبان كيمون

مالي جدا إلا أطلب الله يحماك ×× من كل عاذل والحواسيد وعيون

وسلامتكم ..

أخوكم : فريح الجميلي ..

صح لسانك ....

يسلم لسانك ..

لاهنت

قصيده جميله



صح لسانك

يفداك بوش وبوتن وجاك شيراك ×× وبلير وكولن باول وبان كيمون



ياويلك بكره يقولون ارهابي



ههههههههه



لاتخاف قصيده جميله

يفداك بوش وبوتن وجاك شيراك ×× وبلير وكولن باول وبان كيمون
يعني هذولا غالين والا فوق الغلا

صح لسانك لاهنت

قصيــدة جزلــة مــن شـــاعر جـــزل وبانتظـــــار الكثيــر من قصـــــائدك

أخوك

اخـــــــــ سلمـــــــى ـــــــــــو