ادعج غنج / هام قلبي

[poem=font="times new roman,6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ياونتي ونت رضيعن ميتم = توه صغير ولابلغ سن الافطام
او ونة اللي بالسجن مات معدم = متعذبن بالحبس من عشرة اعوام
على وليفن بالهوى سمني سم = بيني وبينه حطوا اشواك والغام
ادعج غنج ومشاهده يجلي الهم = خلن قرصني بالهوى قرصة السام
راح وترك قلبي عليلن ومهتم = ومن فارق الخلان ياسعود ينظام
شكيت لي قلبن عليلن ومغرم = ولشكوتك ياسعود فزيت منظام
ان كان خلك في هواكم تندم = اناوليفي يضرب القلب باسهام
الصاحب اللي بالمشاعر تحكم = وتو العلاقه مكملت عشرة ايام
ليته قريبن لي قريبن ولد عم = واحصل المجمول في شرع الاسلام
ويلتم شملي من عقب ماتهدم = وارتاح انا من كل عله والاسقام
واريح الرجلين وافارق الهم = وعقب السهر عيني يابو مازن تنام
لكن خلي في عذابي معزم = وده يمشيني على كيف مارام[/poem]


الشاعر / جمعه البناقي