قصيدة الشاعر فهدبن سويلم النصافي بمناسبة شفاء ولي العهد

بسم الله الرحمن الرحيم

اخواني مشرفين واعضاء وزوار منتدى قبيلة الجميل . السلام عليكم ورحمة الله وبركاته يسعدني ان اقدم لكم
هذه القصيده وهي بمناسبة شفاء صاحب السمو الملكي الامير سلطان بن عبد العزيز آل سعود ولي العهد
ونائب رئيس مجلس الوزراء ووزير الدفاع والطيرن والمفتش العام اسأل الله ان يتم عليه بالشفاء والصحه

الايالله ياللي تحت سلطانك ملكت الكون.........طلبتك ياعظيم الملك ترزقني وتهديني

ليامنك أمرت بشي في حرفين كاف ونون.........بكل اللي حكمته ياإله الكون راضيني

عسانا تحت ظلك في نهار الماقف المحتون......نهارٍ حر شمسه من عبادك قاب قوسيني

صبرنا وإحتسبنا والسنين تبيح الـمكنـون ..........وأنا أقول الصبر لاطال يطلع له براهيني

سلام الله على سلطان ابو خالد وانا ممنون.........له بالحب والاخلاص ابد مادامت سنيني

ولي العهد زيزوم الدفاع وسيفنا المسنون.............حسامٍ سلته تعجبك بنحور المعاديني

ولد عبد العزيزاللي فتحها في نهار الكون...........واخوصقر العروبه حامي الاوطان والديني

عوين اللي قضت ثمرة شبابه بالزمن مديون..........حفظك الله ياعون الضعيفين المقليني

عطاياك البسيطه تضرب المليون بالمليون .............وعطاياك الجزيله ماتعدد بالملاييني

الاياسيدي لاسلم عمرك كل شي يـهـون ...............عساني فدوةٍ لك وانت تسمعني وتوحيني

عسى ربي يمدك بالسلامه والشفاء والعون..........بعون اللي نصر خير البشر في بدر وحنيني

اتعبت الرجل في خدمة بلادك مارضيت الهون..........وجبت من التطور مايسرالنفس والعيني

الاياسـيدي حـب الوطن بـقـلوبـنا مـصيـون..........وطاعتكم علينا واجبه والناس داريني

نبيع ارواحنا من دون حده والعدو مغبون.............من اولنا وحنا للمعارك مستعديني

تكفينا وصية شايبٍ تحت الثرى مـدفـون ..............على حب الوطن واللي يحكمونه موصيني

على منهج كتابٍ من يخالف سيرته ملعون..........وعلى سنة محمد من خلقنا الله ماشيني


الشاعر/فهدبن سويلم النصافي

صح لسانك فهد

والممدوح يستحق المدح والثناء والدعاء

نسال الله له شفاء عاجلا وعودا حميدا

الله الله الله دائما مميز صح لساااانك المخضرم واشكرك على حضورك المميز في منتدانا وصح لسااانك مره اخرى والامير سلطان يستاهل والله يرده سالم ودمتم

صح لساااانك ياشاعرنا
وابو خالد يستاهل اكثر

الاديب
يعطيك العافيه على مرورك الجميل
ولاشكر على واجب ولاة الامرلهم حق علينا
والوطن له حق علينا ايضاً ..............

الشاعر/فهد النصافي

الكونكورد
يعطيك العافيه على مرورك
وانتظرووووووو الجديد
والتوقيع تحت الانشاء

الشاعر/فهدالنصافي

صح لسان الشاعر


ويستاهل وولي العهد



والله يشفيه ويطول بعمرهــ

الورده

يعطيك العافيه على المرور والكلام الجميل
انتي مميزه بمواضيعك واخلاقك اتمنى لك
التوفيق وماشاء الله عليك

الشاعر/فهد النصافي