الــنــوايــا مــــــطـــايــا

ابيات جميلة ومنقولة

العمـــر رحــله والنــوايا مطــايا
***** والحلم ياخذ من سنينك ويعطيك

واكبر دليل انك سكنت الحنايا
***** شف اصغر عروق النحايف تناديك

ياصــاحبي مابي تــرد العطايا
***** وماهو بـ أنا اللي لا عطى شي يذيك

لكن ابيك اليوم تبقى معايا
***** وتشعل شموع الحب وتضوي لياليك

مريت بيتك .. والنوايا نوايا
***** وأخذت اقلّب ذكرياتك وماضيك

واسترجع ايام الغرام العذايا
***** واصوّر دموع الجفا للشبابيك

وابعدك .. وتضيق فيني سمايا
***** واقربك .. واشهق وأرد احتضر فيك

واقللك .. وتفيض فيك الزوايا
***** واكثّرك .. وتضيع فيني وألاقيك

وأشتتك .. وتحير فيك المرايا
***** وأجمّعك .. بين الحنايا واخبيك

كسرت بخصالك عيون المزايا
***** لين ازعلت منك وجاتك تراضيك

تركت عقلي يوم جيتك ورايا
***** اتبع خيالي والتفت لك واناديك

شفني نحيل ولا بقالي بقايا
***** عايش على حبك وذكرك وطاريك

القلب ينزف من طعون الخطايا
***** طالبك رد الروح في قلب مغليك

قامت تخاطفني سهوم المنايا
***** وانا على حد الهلاك التفت فيك

قلي دخيلك بس ويش السوايا
***** لاصرت احبك موت واشتاق واغليك

كنت اتحرى طعنتي من اعدايا
***** بس الصيبه .. طعنتي جت بأياديك

يا صاحبي .. ليت النوايا مطايا
***** والوقت ليته لا خذا منك يعطيك

منقووووووووووووووووول

وابعدك .. وتضيق فيني سمايا
***** واقربك .. واشهق وأرد احتضر فيك


.................................................
تسلم يمينك على النقل

اشكرك على المرور العطر

يا صاحبي .. ليت النوايا مطايا
***** والوقت ليته لا خذا منك يعطيك
شكرا على ماقدمت

لاهنت نورت صفحتي بمرورك العذب

تسلم على النقل وصح لسان الشاعر
واشكرك على حسن الانتقاء والاختيار

ياصــاحبي مابي تــرد العطايا
***** وماهو بـ أنا اللي لا عطى شي يذيك

لكن ابيك اليوم تبقى معايا
***** وتشعل شموع الحب وتضوي لياليك

الله الله اشكرك على نقلك الرائع

اشكركم على المرور العطر