الشاعر /
محمد بن حمد بن فطيس المري
¤¤¤¤¤¤¤¤¤¤¤¤¤¤
وهذه مقتطفات من أبرز واجمل قصائده الغير مسموعه اومطروحه بالساحة الشعريه القصد انها قصائد خاصه /
{ابيات من<حب عفيف>}
1_قولوله: اني ماأرتضي بالبدل فيه
لامال قارون ولاعرش كسرى
2_يرتاح"ماغيره ملئ عين هاويه
غلاه نهر النيل والقلب مجرى
3_أكبر دليل اني اذا غاب احاتيه
كم ليلة ماتت على كف مسرى
4_إن قالوا:أنه شرق وأزريت
لا أجيه
وجهة وجهي كل مانمت حذرى
¤¤¤¤¤¤¤¤¤¤¤¤¤¤
{ابيات من<وش عليك>}
1_كيف بنساها وأنا لاجيت أنادي
أتمسك بإسمها خوف يخرج
2_فكرة النسيان منزال<ن> بوادي
طيفها سيل<ن> مسيله يندرج
3_وصلها كايد وهي تسكن بلادي
إنشد اللي بالمرابع قد درج
4_روحت بأسلوب مقبول وحيادي
وخلدت بالقلب عكس احرف حرج
5_وانتهى ضحكي وحاربني رقادي
وانقطع حبل الرجاء واقفت مرج
¤¤¤¤¤¤¤¤¤¤¤¤¤¤
{قصيده< العقاب >}
1_يالعقاب اللي على المشراف وسع لي تراني
ضايق من عام الاول وادهنه قبلك وادله
2_يوم ربي قدكساك بريش وش لك في مكاني!
ماتخاف من العقوبه يوم تأتيه وتحله
3_دام لك جنحان وش تبغى بمشراف المباني
خل مشراف الفقير اللي بلاجنحان خله
4_ذا مكاني يوم رمح الغدر من حره زواني
مالخ التالي علي حجة"
واناأسله ودله
5_وهو على ماقيل شماعة همومي لابلاني
صاحب<ن>يأكل يديه وهو على مذهب ومله
6_وذا ملاذي عقب خالقنا جميع إلى ضواني
ضيقة في الصدر وإلا جاتني للدمع خله
7_لابديته ماحسد راعي الترف واهل المباني
يحسبون إن فرقهم واضح علي
واقول لله
8_سجة في رأس مشرافي وانا غطرف الاغاني
والله إنها في عيوني عن مية
فندق وفله
9_فيه احس اني على احسن
حال واني شخص ثاني
10_واحد<ن>زله حشاي ومسكنه بين المحاني
مسكنه بين المحاني والحشا والصدر زله
11_قلتها له قبل لاوقتي على
الشعر يحداني
خايف من الله يتمم واعرف ان فلان عله
12_قال:خل شكوكك اللي تترك الراوي ظماني
مايصيبك في جبينك من خلقك الله تشله
13_قلت:ذا والله بلاي اشوف وش مدت زماني
لايكون اللي كتب لي فارقه من غير زله
14_قال:وش تبقى بحكي الحزن والدنيا فهاني
لاتعيشنا زمان الحزن قبل يحل
حله
15_قال:شفت الموت لوبيدي ماهو كف خذاني
بس لاتشره علي لو لبسوني غصب حله
16_قلت:أجل وانا وفاي من الجدي حتى اليماني
مارتضي غيرك ولا أظنه ولاظني لاأبله
17_حجتي لوشفتني متشاؤم
وعاشق أناني
خايف اشرب بعد كأس النصر كاس<ن>للمذله
18_قال:أجل سلم على روحك
واناكلي تهاني
يوم عرسك والله ان أهل مجدولي وافله
¤¤¤¤¤¤¤¤¤¤¤¤¤¤
{قصيدة <الموادع >}
1_قال:وصفني ,وقلت:الفين بادع
مبدع" ولو ياصفونك ياضنيني
2_دايم<ن>من دون وصفي لك روادع
قلة أشباهك وحسد لسامعيني
3_قال:أخاف تكون في حبي
مخادع
قلت:لا واللي صدف بينك وبيني
4_والدليل انه يجيني منك رادع
كل ماجيت اهتني بك مايجيني
5_ماتخليني محاتات الموادع
اهتني بمشاهدك يانورعيني
¤¤¤¤¤¤¤¤¤¤¤¤¤¤
{قصيدة <الحرامي >}
1_أنت يااللي حسنك السايب يخليني حرامي
جيتك صعبه وانا عن جيتك ماني بغافل
2_كيف ابين لك غلاك وكيف اوصل لك كلامي
والحياء قاطع طريق ولهفتي صوبك قوافل
3_وكيف اوصل لك معاناتي ولابين اسامي
والعواذل تحتري كلمه وان ماني بسافل
4_وكيف ابين لك خطاك وخافقي طامع وظامي
للوصال اللي مثل حلم الفقراء
بالتكافل
5_ليتك تشوفك بعيني كان شفت القصد سامي
وليت لك قلب<ن>مثل قلبي من التوديع جافل
6_وليتك تشوف الجروح بعين حزني يامرامي
كان شفت النجم ذاك الاولي طافي وآفل
7_انت في دارك وانا في ديرتي واذكرغرامي
واذكر اني للوفاء واذكرني ياغافل
¤¤¤¤¤¤¤¤¤¤¤¤¤¤
{قصيدة < العيدين >}
1_فات عيد الفطر ماشفت البعيد
وعيد الاضحى فات مثله مثل أخيه
2_شفت في عيد الفطر حزن<ن>فريد
وشفت بالاضحى الحزن وأمه وأبيه
3_فاتت أعياد السنه ذي عيد,عيد
والشقي يأكل من الحسره يديه
4_مابقى للصبر في صدري رصيد
وكل بيت<ن> قد كتبته'حزن فيه
5_دام ماللعمر من يضمن مزيد
يانجوم الليل عني عايديه
6_قولي:إن صويحبك عقبك وحيد
وقولي: إن النوم عيا لايجيه
7_وقولي:إنه حرم اللبس الجديد
وقولي: إنه مانسى العهد وعليه
8_وقولي: إن الحال ينقص مايزيد
والسبب كثر انتظاره علميه
9_الانتظار أشد من سجن الحديد
احتريه الصبح والليل احتريه
10_وقولي: إن العيد كل<ن>
به سعيد
كون من خله بعيد ويرتجيه
11_أبعده عني ضحى العيد الجديد
وان فهم ماهي غريبه من نبيه
12_عيده مبارك الى يوم الوعيد
خاف يأتي عيد ماعايده فيه
¤¤¤¤¤¤¤¤¤¤¤¤¤¤
{قصيده <سوار المقبره >}
1_قد عطيتك وأنت ماضنك لئيم
والنصيحه لليالي تذكره
2_لاتحرك جرحي الماضي الاليم
ولاتحسب ان طول بعدك طهره
3_كل جرح يهون يالجرح القديم
وكل شئ<ن>قد مضى معك اذكره
4_جرحي وذكراك والليل البهيم
حزة فؤادي بمثل المنشره
5_العذول غراب وانا اكبر غشيم
والجروح الماء وطاريك حجره
6_والزمان أكرم من الحظ الكريم
لافتح لي باب صوبك سكره
7_حبك اللي لاطرى لي رحت اهيم
قمت أحسب اصغر كلامك واكبره
8_ليتني عاد الهوى توه فطيم
إن عذلت لعاذلي بس أخيره
9_مالقيت من الوفاء كود النديم
كون صدق الحزن وجهه وظهره
10_عقب رمح الشوق في وجه الصميم
سيف هجرك في قفاه وشف ثره
11_وأنت شكلك تحسب أني في نعيم
لإأني أخبي صوابي واستره
12_الضلوع من البكاء كنها هشيم
والقصيد لوجه حالي منظره
13_لايغرك حلم رجال حليم
ما أهون اللي من سكوته فجره
14_ولاتحسب الجفن من دمعه
عقيم
يستحي منك واذا اقفيت انثره
15_ولايغرك وإن بدى جسمي
سليم
والله إن جسمي سوار المقبره
16_والله إن امر من ضحك الغريم
شوف حقي بين أياديه أشقره
17_والله إن أحر من دمع اليتيم
دمعه الرجال من فرقى مره
¤¤¤¤¤¤¤¤¤¤¤¤¤¤
{قصيده < هوى الغربي >}
1_دخيلك ياهوى الغربي على
قلبي تهب بزين
تراك محمل بأشياء تهز القلب
وضلوعه
2_تراك محمل بأشياء خفية مستحيل تبين
ولايفطن لها كود الجريح ملاوع<ن> لوعه
3_عليك الله وجاه الله تلف يسار ولايمين
ولاتحيي عروق جروح من عامين مقطوعه
4_تنحرتك وانا اعرف النتيجه دمعه وبيتين
ومجموعه هواجيس<ن>تخالف هي ومجموعه
5_تنفستك وانا اعرفك على روح الشقي حدين
لكن الله أمر"وجابني بأقدام مقلوعه
6_وجودي وجد من شايب يقيده الزمن بالدين
عفيف مر في حاجه ولافزعوا له ربوعه
7_الا ياوجد حالي وجد من طفل<ن>يشوف الشين
يتيم وكلمته لامن شكى ماهي بمسموعه
8_توفى أبيه عن حادث وبعده
ينطق اسمه زين
وعاش بلا أخوان نازع<ن>كمه من دموعه
9_على اللي راح بفؤادي وأنا ادري ليه وادري وين
وروح روحت<ن>مجبوعة ماهي بمتبوعه
10_ملأ صدري غلا وأناظامي
فؤاد وعين
لو أنه غير وادعني عليه ظن من الروعه
11_بناء له بالحشا سور<ن>
مثل سور<ن>بني فالصين
يرد العاذل ويحمي ورود فيه
مزروعه
12_حلف لي دين ماينسى وأنا اللي قد عطيته دين
أنا ديني على ماهي وهو ماغيرطبوعه
13_على خبري لكني رحت أدور للحقيقه لين
عرفت اسباب ماتقنع وشفت اسباب مشروعه
14_لو أنه راح هاجرني علي
أهون من الثنتين
مراح مايبيه"وعبرة بالحلق متروعه
15_عسى ربي يسامح كل من له بالفراق يدين
سبق سيف الفراق العذل ياروحين منزوعه
16_دخيلك ياهوى الغربي ترى ماني من السالين
ولوبينت لك ضحكه تراها صدق مصنوعه
¤¤¤¤¤¤¤¤¤¤¤¤¤¤
{قصيدة < بشت الليل >}
1_إلا منه كسى ذا الناس بشت الليل صدري لج
مثل لجة حجيج البيت طيلة تاسع الحجه
2_توارد به هواجيس<ن> تزاحم تجتمع وتعج
مثل عجعاج ريش من مصيد بساكر العجه
3_سبب ماوالله أني داري انه لورحل ماسج
ولويملك رصيد الناس في الدنيا من السجه
4_أنا حر<ن> توسط عابر<ن>فوق البحور اللج
عبر.ثم كل متنه ثم تبرأت منه اللجه
5_هلا ياناقل<ن>للفرخ قوته من حشى أمه مج
دخيلك يامنجي نوح عبدك مبتلي نجه
6_إلا منه ركد قلبي وعن درب الهواجس هج
حسى الله من مقاريد العرب من جاه ثم رجه
7_أغيب مع خياله والليالي الماضيه وأدج
الا ياما حلا الضيعات مع ذكراه والدجه
8_خطير الحال من فرقاه أخاف ان العقل يرتج
يهوجس به ولوكثرت علي الاصوات والصجه
9_والا من قيل وش بك يامحمد ضارب<ن>لك فج
أدور عذر من حكي العواذل والتمس حجه
10_ابين ضحكتي بالسن والا القلب ضحكه هج
غزى الحزن الفرح فالقلب واستالاني وهجه
11_هذا حظي يابوعين<ن>
تزج الدمع لاجلي زج
هذا ماالله كتب لي في مكان<ن>بس فالحجه
12_عسى الله لي ولك وسط الدروب المغلقات يفج
مثل حطه لموسى فالبحر ياصاحبي فجه
13_بلشت بقلب عن درب الهوى واهل الهوى ماخج
وذكره ماغفل عنها معه ومن اين ماوجه
¤¤¤¤¤¤¤¤¤¤¤¤¤¤
{قصيده < مية عام > }
1_عقبال ياماخذ فؤادي مية عام
ضيعتني منك وانا مااهتديتك
2_لامانسيتك كيف بنساك مادام
ذكرى الفراق تهزني لونسيتك
3_أنت القدر وانا على دين الاسلام
مكتوب في وجه الجبين ورضيتك
4_لك فالضمير الودوالحشمه توام
ولي في ضميرك مثل ماانا بغيتك
5_لك منزل<ن>في نايف القلب وخيام
وذود الغلا ترعاه ولاشكيتك
6_يفطرعليك القلب وإن فارقك صام
والله لو أنك شوك سدره كليتك
7_القلب طير<ن>لادعي للهوى حام
والا أنت وكره من كثر ماهويتك
8_كن العيون من النظرعقبك
ايتام
وكني ماريت الا انت من يوم ريتك
9_وكني سجين<ن>بين الافراج واعدام
وكنك سجن وانا بنفسي بنيتك
10_وكنك معي وانا فقدتك من اعوام
مع الخيال القاك كني لقيتك
11_من صعب وصلك ماتهنيتك
احلام
وان جابتك فزيت شوق ومحيتك
12_يعني وصالك صعب واهدافي اوهام
يعني زرعتك للقدر ماجنيتك
13_صبرك يقولون العرب كل
الايام
يوم<ن>عليك ويوم لاجاك جيتك
14_وياقلب يااللي وسطك جروح والآم
بليتني ماهو بانا اللي بليتك
15_ولعتني من عادني بالهوى خام
واسرفت بي وانا خطامك عطيتك
16_طعتك وزبدت طاعتك هم وهيام
الله كتب لي واستخرت وعصيتك
17_لو للقلوب اسواق بايع وسوام
لابدلك وان جيتني ماشريتك
18_والا انت يااللي جيش عينيك مقدام
لاقنعت منك بالرجاء مارجيتك
19_تنبيك عن حالي محاصيل
الالهام
وتنبيك نظراتي نهار<ن> لقيتك
20_عقب الوصال اللي على عين من لام
قد هو يكفيني عن الوصل صيتك
21_وقدني اذامريت بالشارع العام
لديت من مافي الضمير ودعيتك
22_ادري بصوتي ماقطع عشرة اقدام
وادري بي اعود الا من نصيتك
23_ياشينها يامحنين روس الابهام
ماقدر على شوفك وانا عند بيتك
24_الاعمار ماتضمن وانا أخاف الاحكام
ارثيك خاف اودعك مارثيتك
¤¤¤¤¤¤¤¤¤¤¤¤¤¤
{قصيدة < الشكوى > }
1_ياالله يااللي تسقي الذر والحوت
بالرزق وأنت الرزق وحدك وليته
2_يامن دبيب النمل توحيه بالصوت
والسود منها لا أظلم الليل ريته
3_ياحاكم<ن>حتى على الموت بالموت
والميت لو هو عام ميت حييته
4_ياكاتب<ن>الرزق للناس بالفوت
أحد<ن>حرمته شي واحد<ن> عطيته
5_يارازق<ن>الطير بالماء والقوت
والكون لوتبغي بساعة سقيته
6_تعيضني في وقتي اللي غدى لوت
وتعين عبدك دام فيه ابتليته
7_وقت<ن>جيبي وخلاه منكوت
والعالم الله بالصبر قد مليته
8_وقت<ن>به الجيران سالم ومبخوت
الجار مايدري باسم جاربيته
9_فيه الفقير يموت ذكره ومكموت
والا الغني لو هو ردي شاع صيته
10_فيه الصبي مسبل ولاشيف بوقوت
صحاوي وبالسوق وجهة بليته
11_والبنت قد هي تلبس الجنزوالكوت
ليت التطور ماغزى الفكر ليته
12_ياالله دخيلك من تحسافة الفوت
في وقتي اللي مال غيرك شكيته
13_تعيضني في جنة الخلد ببيوت
في وقتي اللي لوضحك لي بكيته
¤¤¤¤¤¤¤¤¤¤¤¤¤¤
لطلب المزيد اتصل على
sultana.lgmili@windowslive.com:smile