الشاعر : مخلد الغنيم
حي الله القمرا وصوت البندري
صوت بكل الحب صرت استقبله
طفلة غرام وفي هواها عنصري
شعلة جمال وكل قلبٍ تنزله
كم قلت نامي في عيوني واسهري
ومن العيون لخافقي متسللة
تطعن خفوقي بالغرام ويـنفري
هذا خفوقي حي لوهي تقتله
طبع ابدوية تحمل اسلوب احضري
بنت الذين حيل حيل مدلـله
ميعادها القمرا وانا اللي محتري
ياحلوها لاجت وهي مستعجلة
وان كانها ماجت رسالة تنقري
الصوت مرسال المحبة والوله
ماتسكن بحي ابو موسى الأشعري
انا جنوب وهي بقلبي مشملة
ان مالمس كفي هاك الغصن الطري
معذور هاك الغصن من حرص اهله
عن حبها وأسرارها محد دري
و انا اعتبر مافات نزوة مرحلة
وانا من يدين الوصل والله بري
ما غير اونس خاطري واعلله
ماعاد مابي حبٍ وليل ينسري
تكفيني ذنوب الليال الاوله