قصيدة للشاعر سعد بن حفر يذكر مواطن قبيلته

قصيدة للشاعر الكبير سعد بن مسيعيد بن حفر الجميلي ، يتذكر فيها دياره أيام البداوة ومقطان قبيلته


[poem=font="mateen,6,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
يامحمد ليتــــني من مـحــلي ما عــــنيـــت=ليت مـــا شفت الـــــحصانة ولا جيلانهــــا

وقت مرقبها الطويل وعلى الماضي بكيت=كيف ألـــوم عـــــيوني اللي تزيد أحزانهـــا

ديرة من مطلعي وسـطها عــشت وربيــت=كيف أبــنساها وأنـا قـــبل مــن ســكــانهـــا

لو عطوني فندق الفــاو عنهـــا مـا سـليـت=ما تقـر الـــعين من دون شــوف أوطـانهـــا

ليت ليت ولــيت لــو ينـفع الـمجروح ليت=ليـتنـي فــيها وأنـا مــقصـدي مــســكانـهـــا

سكروا شــبك الـــمياديـن دونـه وانتحيــت=شيـب عـيني سـرب الشـوف دون أركانهــا

عل يسقيهــا الحـيـا كـل ما قــمت ودعـيت=ليـن يـنـعم نـبتـهـا الـلي زهــى بـأطـنـانـهـــا

جيت أبـو قـحلول واشغلـت روحي بالنهيت=والـعيون الصابـرة مــاها الأشــهب خانهـــا

قلت محدٍ يا صلـك ويش لو صحت ونخيب=مثـلـك أم غـويـر شبـكت وشـانـك شــانهـــا

قــبـل كنـا نــاردك كـل عـام إلـيا امــتـلـيت=والـسنــة مــا جمـتــك تـشـربــه ديــبـانـهـــا

ول يـالـبضاك لك وقـت عـن عيني غـديت=والدحــل والـجـفـن تـحت الـثرى عربانهـــا

وقال أبـو هـيشـة تمـنيـت منوة واشـتكيــت=أم الــضيان القريـبــة طـفـت ضــيـانــهــــا

خــــابـــرٍ لـه عـادة فـوق جـالـه كـم بــيت=كــل مـا جــت صـيفـةٍ حـضـبـت قطعانهـــا

قال هـم عـني تـخلـو وأنا كيـف اخــتفيـت=قـــدرة الله فــرقـت بـــينـا ســـبــحـانــهــــا

ونـادت أم حــجـول لـفيـاض عيدة كمبليت=يـــوم نــوار الــنـبـات اخـتـلـط بـألوانــهـــا

قالت ربـــوعـك بعـيديـن واللي ميت ميت=مــا يــزورونــك صغــاره ولا شـيـبــانهـــا

كـم وأنا مثـلك إلـيا رفـرف الوسم احتريت=وارتــجــي ربــعٍ يــشـوق النـظر سلفانهـــا

قـلـت أنا لو هو يفيد الــمنـى كان امــتنيــت=شـوف قاعٍ ودي المـشي فـي ريـضـانـهــا

يـوم صـار المــنع فـيها نهوني وانــتهـيت=مــا نـبـي زود المــشاكــل ولا نــقصانهــــا

عـن تـمشي في هاك القاع يا محمد عزيت=خايـفٍ تنــساق رجـــلـي عــلى حـقرانهــــا
[/poem]

قصيدة جدا رائعة ومتميزة بكلماتها ومعانيها

صح لسان الشاعر الكبير سعد المسيعيد

صح لسااانك

الله يرحمه ويرحم اموات المسلمين

صح لسانه قصيدة مشوقه