الشاعر : مصلح بن فهيد الباطح ~ تمنّى يالشجاع ولك مثنّى

الشاعر / مصلح بن فهيد الباطح الجميلي



تمنى يا الشجاع ولك مثنى
سروج الخيل لجلك يسرجونه

مدام ان الهوا ذعذع وغنى
حماك اعداك أبد مايقربونه

انا من روس قومٍ ما تونى
كفَيت الشر واخطتك المهونه

لنا في صفحة التاريخ حنا
من ذياب بن غانم تعرفونه

ليا لآنت جبال الصّم لنّا
ومن جا يطلب العونه نعونه

جميلي والجميلي ما تدنى
ينومس فعله اللي يسمعونه

تكاتفنا سوا من يوم كنا
ومن يمّنا امانه مانخونه

حماتٍ للدخيل ليا زبنّا
نفكّه والعدا مايوصلونه

نعدّه واحدٍ فينا ومنا
دخيلٍ والدخيل يكرّمونه

ما خنّا بالعهد ولا وطنّا
بفضل اللي عباده يرتجونه