الشاعر : عافت الامير
بالاستاذ : محمد المطلق الجميلي بمناسبة فوزه بالمركز الاول في محافظة حفر الباطن وعلى مستوى المملكة بالمجلس البلدي
العولمه بوجود صنّاع القرار
ضياع للي ما لديهم مقدره
في هالزمن لو كان صعب الاختيار
افكارنا بالاختيار معبره
يمنى ما هي تعتز في شد اليسار
ان ما لقيت بها كسور ..(مجبره)
و اللابه اللي جملت وضح النهار
عندي و هي عند الجميع مقدره
اصغارها تاقف مواقيف الكبار
و كبارها تاقف وقوف المفخره
ما جت مواقفنا تجارب و اختبار
اموثقه وقفاتنا و مكرره
طلنا المكان اللي عليه الاعتبار
و عيون خلق الله تشوف و تنظره
وقفت معزه ما عليها ايّت غبار
ما هي بوقفة غش و الا جمهره
يوم القبايل كل واحد له مسار
كلن رجع للي يعزون ظهره
اجموع مجتمعه على يوم المغار
كلن يسجل من حضر في دفتره
و حنا تقدمنا بعزمن و اقتدار
و اعزومنا لانت لها المتكبره
و محمد المطلق طَلَع طلْع الحرار
و حنا وقفنا وقفتن متصدره
لا صارت لناس على ناس احتكار
اما فتحنا الباب و الا نكسره
ما جت بحب خشوم و الا من وقار
ما جاتنا الا و الخشوم مكسره
يحق لي في مثل هذا الافتخار
اكتب قصيدي و الشعور اعبره
يا لابتي ..يا كبار ربعي .. يالصغار
من دونكم ما للوجود اي ثمره
حطيت وقفتكم على صدري شعار
على الصدر ما بين رجال و مره
باسم الجميل اشكر و اقدم شكر حار
و اللي حضر نثني عليه و نشكره