بادي بالمعتلي راع الفضيلة .... خميس اللافي

هذه قصيدة للشاعر الكبير : خميّس بن لافي العيد الجميلي - رحمه الله -

أترككم مع هذه القصيدة

بادي بالمعتلي راع الفضيله

جالب الأرزاق ومدير الهبايب

راعي المعروف كل يرتجيله

عالم بالغيب رفاع المصايب

موتري يا عيد باللازم ناوي له

اجتهد بالطيب والوفقة وهايب


اركبه وما بغى الله لي يجيله

إن ما جت بالهون ما جت بالغصايب

إنحر اللي باللوازم ينعني له

مثل بن بسام عنه البخل غايب

هو وابن شيحان ما يشمت عميله

عارفين العلم وسلوم القرايب

راكب اللي بس توحي له سحيله

يلحق اللي ماكره روس الجذايب

عامر الدلات من شافه يهيله

من ركب غمارته عاف الركايب

منوة المفتون مثلي يستويله

يشتهي طرد الهوى لو كان شايب

والردي ولد الردي لا تعتني له

ما يداني الطيب ملعون الصلايب