اهداء من الشاعر / غانم بن سعود العريفج الجميلي الى الزملاء الأخ العزيز / محمد عواد الحاني والأخ / حمد ابراهيم الحاني وجميع من في مخيمهم متمني لهم التوفيق
((((((( المقناص ))))))
تكلف محمد فوق ميه وستين الف
وعسى الله يعين أهل القنص لانوو نيه
عسى فالك اللي ريشته تعجب أهل الشلف
مثل طير نايف مع حرار السعوديه
وانا خابرك وقت المقا نيص رجل صلف
وهذا السنه ناوي على الصيد لك نيه
ركب فوق جيب يعجبك يوم دقه سلف
وحرك من حدود الحفر للشماليه
مجهز اموره للقنص ثم حالف حلف
لاشاف القطا لي عدي نبيره الميه
مركب له البالون باالخط يبلف بلف
ومدبله اللياي متلوي تقل حيه
فتك والفتك يعجبك لوهو محمل خلف
مصمم على ذوق القنص والهاواويه
يشوق العيون بزين خشمه لمنه لف
تقل وسط غرفة نوم كله رفاهيه
ومعه واحد لأمن وقف بالمواقف كلف
حمد من رجال نارهم دايم حيه
عيال ال حاني نعم وأقسم وعيد الحلف
هذولا عيال صقور قدام باالهيه
تمنيت أجيكم بس وضع الدوام الجلف
يحسم علي مافيه روحه والا جيه