الشاعر : مخلد الغنيم - نحمد الله سبحانه

الشاعر : مخلد الغنيم



نحمد الله سبحانه
.. منّه العز ماغيره

بالمعالي لنا خانة
.. وبالكواكب لنا جيرة

الفرح زان ميدانه
.. يوم لاحت تباشيره

كل اخو جاي لاخوانه
.. نوّر الدار والديرة

كل من جيت ديوانه
.. طيب الصيت والسيرة

لو تعنّيت من شانه
.. لاجل قدره وتقديره

دار الاجواد منصانة
.. للكرم نارٍ ونيرة

دام للدار سكانه
.. حافظينه مناعيره

لابتي فيه واوزانه
.. ماتركناه تهجيرة

ماحدٍ يترك اوطانه
.. دام جده ملك بيره

لوتطوّل به ازمانه
.. بين وردة وتصديرة

ماجهل رجل عنوانه
.. لو تعدّد مشاويره

علم مثبوت برهانه
.. يبطل الشك والحيرة