الشاعر : محمد ناصي - حاكني من مهجت القلب لاصرت محدود

الشاعر : محمد ناصي


حاكني من مهجت القلب لاصرت محدود
لا تهجد القلب ‏مع ظلمت الليل العتيم

مع صَــبـآحْ الّـخَّيِـرْ ماشوف لي عندك وجود
جيت يمي ممتلي خاطرك شكن وضيم

خل لك عندي مكانه ولو زاد الجحود
هات موضوعك من اقصاه حتى نستقيم

كان للفرقى طواري ترى لصبري حدود
مثل ما يرجي الضنا من عرف حاله عقيم

لا تغيشم خاطري دام مالي منك فود
انتبه عن موقفً منك تبقى لي خصيم

هات لشيمه حشيمه بتكسير القيود
مد يمناك بوفى لا طلبت من الحشيم

خلني اتفهم الوضع لاجيت بركود
لين تاتيك الاجابه وتجلي كل ضيم

ابشر. برد من الخاطر يبل الكبود
دام مالي ‏في سما صحبتك يافلان غيم

كان مرضيك المجامل من يدين الحسود
ما تزعلك الحقيقه اليا جت. بالصميم

كنت معطيك الثقه لين وقعت العقود
لين قمت تهدد بلعبتك مثل الغريم

لافتحت الدرب للهجر وابديت الصدود
ابشر بعزك وانا صاحبك والله عظيم

ان عملت لجنه ﷲ هنيك ياسعود
البلاء كان النتيجه توردك الجحيم