الشاعر : عبدالعزيز المحارب الجميلي
أجيب عسرات الطروق
ليا طرقت أبوابها
اقطف من الإبداع ذوق
وكلٍ ينال اعجابها
البال عيا لا يروق
والهينه ما أرضى بها
من هالزمن ضاق الخفوق
من عالمه وأسبابها
متى من الغفلة تفوق
دنيا وش اللي صابها
كثر الردى قل الصدوق
آخر زمن عشنا بها
تجاهلوا أهل العقوق
الاخره وحسابها
عاش الكرم ماله حقوق
بذيك اللحى واشنابها
مالي ومال العوق عوق
وأهل الغثا واصحابها
ليا لاح بالقبله بروق
والمزن حطت مابها
اركب على جيبن يلوق
قاع الوعر ما هابها
بشكله تصاميمه فروق
أهل القنص ادرابها
وطلق الحجاج اللي يسوق
زين السوالف جابها
شوف الفجوج بها معشوق
لفياضها واشعابها
نبت النفل ريحه يشوق
يفوح ريح اعشابها
يامى حلا وقت الشروق
ريح الندى بترابها
لي بالسماء نظرات فوق
راس العلا مرقابها
شرواي للجزله شفوق
لان الكفو اولابها
فطره على الطيب مخلوق
والنار من شبابها