قصيدة عن البر والقنص

هذه قصيدة تتكلم عن البر والقنص ، فأرجو أن تنال على إعجابكم :

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] بسم الله أبدا واتحصن بالأذكار=من الكتاب ومن صحيح البخاري
عساه يغفر لي ذنوبي والاوزار=ويزيل عني كل هم وطواري
بعده نظمت القاف من نبع الأفكار=زين المثايل سقتها باختياري
الله على اللي تو ما داج بالدار=وكيله مورده بأمر وزاري
توه جديد تشوف بجنوبه اغبار=من وارد الفكسار وإلا سفاري
جيب بوصفه لافت كل الأنظار=ما حط به قطعة غيار تجاري
أبيه لا جا بالوسم وقت الأمطار=والسيل له بالقاع نقع ومجاري
اطلع عليه برفقة اللي لهم كار=كرام النفوس لهم مع الناس طاري
وساع الصدور وللمهمات حضار=والكل منهم للمراجل يماري
أمثال ناصر مكرم الضيف والجار=زين الطباع اللي على الطيب ضاري
رجل حكيم ما مشى درب الأشرار = الله يعديه الخطر والجواري
أبشرح الخاطر بشوفي للأقفار=واسج رجلي مع فجوج الصحاري
لا من وجه الأرض غطته الأشجار=واصبح خضر من عقب ما كان عاري
متخالط نبته نواوير وأزهار=ومن السحاب القاع فيها خباري
والصيد له عينه وتسمع له أخبار=تلقى القطا وتشوف جرة حباري
نضرب قرار ومرة نضرب طيار=هذي صويب وذيك طاحت جباري
لا جيت بأرض ما عليها الدبش سار=ما تسمع إلا للقبيسا هذاري
اختار لي منزل وهي كلها خيار=بأول مساء يومي وتالي نهاري
واحط عفشي واشعل بجنبه النار=واركي عليها دلال بن وغواري
وفنجال أشقر بيننا بالخلا دار=يزيل عمس البال عقب افتراري
وانساح بالي وانجلت عني أكدار=يا زين مع بعض النشامى البراري
[/poem]