الجار عند العرب له هيبه وقدر وقيمه

الجار عند العرب
له هيبه وقدر وقيمة
سبقهم فى اكرامه دينا الحنيف والاحاديث الصحاح فى سنة المصطفى العدنان صلى الله عليه وسلم
اعجبتنى هالقصيدة فى الجار وحبيت انقلها لكم



بذكـر فعـولٍ تعجـب اللـي قراهـا
فوائد مثـل الـدرر وسـط الإبحـار
نــوادرٍ مـاكـل رجــل قـواهـا
يبقـى لهـا عبـر التواريـخ تذكـار
قصـة مفـرج والمـهـادي نبـاهـا
عند العرب تضرب بالأمثـال للجـار
قال المهـادي حاجتـي مـن قضاهـا
ولا حض موار الطيب في واف الأشبار
يطلـب هنـوفٍ عـالـي مستـواهـا
وأعطـاه مطلوبـه ولا قـدم أعـذار
ويوم المهـادي شـاف زايـد إبكاهـا
وقالت مفرج زوج لي يابـن الأحـرار
أطلـق سـراح الحـره اللـي بغاهـا
وقال الجميل إيرد لو صار مـا صـار
ومشاء المهادي قـال عنـدي جزاهـا
إليا حصلك مـن صواديـف الأقـدار
ويوم أضهرت سـود الليالـي خفاهـا
نصا المهـادي يعرفـه مركـز الكـار
وأعطاه بيـت وذود واللـي راعاهـا
وجميع ما يضوي على البيـت للجـار
وامسا ء غني إضروف وقتـه نساهـا
ومشاء يبي بيته بعـد زيـن الأخبـار
ودخل علـى الزوجـه وللـي معاهـا
نايم وقص الراس خـوفٍ مـن العـار
وصاحت بعال الصوت من ما دهاهـا
أبن المهـادي مـا درى فيـه خطـار
ورجع وقال العيـن يصعـب إدواهـا
إبنك قتلته بالخطـاء ويـش الإبصـار
قال أنـت جـار وسمعتـك بنحماهـا
ودمه على قحطان مـا نطلـب الثـار
مئة مـن البـل مـا تهيـزل حداهـا
تاتي لبيت الشيخ مـع وقـت الاسفـار
ونادى مفـرج قـال جتـك بعصاهـا
مئـة وحـده كلهـا نقـوت إبـكـار
ومـرت ثمـان سنيـن للـي رواهـا
حسب الرواه من المهـادي بالأشعـار
وارسـل رمـوز مـن فهمهـا نفاهـا
قال الرحيل أخير من فعـل الأشـرار
واصبـح مفـرج والمعالـي بنـاهـا
قررعلى توضيـح مـا دونـه إستـار
ومشـاء وعينـه مدلهمـن سمـاهـا
تنثر مـن العبـرات والفكـر محتـار
وأمساء وقـال الـذود تبغـا عشاهـا
ويمكن نقيم أيـام مـن بعـد الأسفـار
ولاحدٍ فهـم عـن نيتـه وش مداهـا
وعادة هل الطولات في كتم الأسـرار
ونـادى عيالـه والخطايـا رفـاهـا
ما بين مـزح ومعرفـة كـل غـدار
قـال الهنـوف اللـي كثيـرٍ حلاهـا
من فيكم اللي حـاول إمـرار وإمـرار
وثنيـن قالـوا بنـت جـار انحماهـا
والجار لـه بالسلـم حشمـه ومقـدار
والثالـث اللـي بالجريـمـة نـواهـا
ضحابـه مفـرج والأخويـن حضـار
وأرسـل براسـه للمـهـادي أبـاهـا
أرسل به أخوله علـى قـب الأمهـار
قـال المهـادي دون يكشـف غطاهـا
عطني أخوك فلان حيٍ وأنـا أختـار
وأرسـل عيالـه دون يسعـى وراهـا
قضيـةٍ تبغالـهـا رجــل صـبـار
وقـام المهـادي والحمـول إرتكاهـا
زوج عيال الجار من بعـد الأخطـار
ورثـا مفـرج فـي بيـوت نقـاهـا
مضمونها تنعـاف مـن بعـدة الـدار
هذي أفعول أهل الوفـاء مـن وفاهـا
جارٍ وفاء مع جار لـو الزمـن جـار
زحول الرجال اللـي يـذري ذراهـا
اللي لهـم بالطيـب مـارد ومصـدار
وتمـت لـعـل الفـائـده محتـواهـا
وأرج المعذره يـا بعيديـن الأنظـار


تحياتي لكم واعذروني على الاطاله
الشاهين @