من الشاعر ,, سيف العوده الثنيان إلى الامير فيصل بن اعجمي السويط في عام 1421هجري
[poem=font=",6,darkred,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""]
قالو تمثل قلت جاني من الراس=مثايل جتلي على مابغيته
وازن بيوت الشعر في كل مقياس=وعبرت له من خاطري ماهويته
قالو مدحت وقلت فيصل من الناس=بن سويط اللي ذرى العز بيته
الله يجيره من عنا الوقت والباس=وتديم له يارب عزًعطيته
ابوه قبله طيب الجد والساس=يشهد له التاريخ من فعل صيته
قرناس في ماكره يرث القرناس=جددت فعل ماضي مانسيته
لاصرت بين ارباع وخماس وسداس=تفرح بلقيا فيصل لالقيته
وضح له اللي داخل الفكر منحاس=يقوم في حقك اليامن نصيته
يفداه منهو للمخمات جساس=الي على الجيران يوضي بليته
ريف الضعيف الي من الوقت منداس=وسقم المعادي باللقى لانويته
يستاهل المدحه ويستاهل الكاس=اللي وفا في لازمي يوم جيته
جيتك ونابالقلب حسره وهوجاس=وقتي حاداني وانت قمت وحديته
ماقلتها نطلب ثمنها بقرطاس=اقولها لله يوم بديته
تمت وصلى الله على سيد الاجناس=أعدادماحجت من الناس بيته
[/poem]