قال الذي جار الزمان

السلام عليكم ورحمة الله وبركاته

لكل انسان ذكرى ولكل قلب لكمة .... والدنيا تدور وتدور ولايصح الا الصحيح لا اريد الاطالة .... اترككم مع القصيدة

[poem=font=",6,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]

قال الذي جار الزمان وتحداه = عيا زمانه لا يعينه و يعطيه
حتى يساره ماتساعد ليمناه = عزيل من مثله زمانه مشقيه
يبريه وقته كالقلم يوم يبراه = طفل ٍ غشيم ولاعرف كيف يبريه
على الذي ماشافت العين حلياه = سبحان رب ٍ من حلا الزين كاسيه
ريمية ٍ بين البساتين مفلاه = ترتع وحدها والخشر ماتدانيه
على الشرف والطيب واليه رباه = مادنسوا عرضه ولا حد ٍحكى فيه
الله ياوقت ٍمضى كنت وياه = مستانسين وسرنا مانبديه
سر ٍ خفي وداخل القلب سكناه = محروس بضلوعي وبالدم اغذيه
وادرى عن العذال ياصاح تلقاه = ويضيع كل اللي من سنين نبنيه
حتى عن الأصحاب ياخوك نكماه = نخاف من زل الصحيب وتجنيه
واليوم حال الياس من دون لقياه = أقفى وأنا بالحيل شفق ٍلطاريه
عجزت اعرف اسباب ياخوك جفواه = فجأة جفتني واصبح الحظ مخطيه
وادهى وامر من ذاك علم ٍسمعناه = قالوا زواجه عن قريب ٍبتوحيه
علم لك الله عذب القلب واشقاه = خلاني امشي دون خط ٍ وتوجيه
وانا اذكر اني ماتعمدت فرقاه = لاوالذي كل المخاليق تدعيه
مذكر سوى زله بسيطة ومهفاه = مالي بها ذنب ٍ ولاكنت ناويه
واصبحت عنده خاين الحب وياه = وانا الذي ارخصت عمري وشاريه
حل الفراق وقلت ياقلبي انساه = جنب طريقه لاتوده وتغليه
رد وتلعثم كيف تبغيني اجفاه = وانا اسيره والمعاليق بيديه
يامر وينهى ويش ماقال طعناه = انته وانا طوع لمرموش عينيه
قلت الغضي ياقلب مع غيركم لاه = مملوك من شخص ٍبالاموال شاريه
مشى طريق ٍ موعر ٍ ماقبل جاه = قصده عناد ولاعرف كيف ينهيه
طاوع عذول ٍ وهقه لين خلاه = في مهمهه تايه وعيا يقديه
خله ترى ماجاه ياقلب كفاه = اللي زرع زرع ٍ يجي يوم يجنيه

[/poem]

وسلامتكم

صح لسانك وسلمت يمينك على الموج الجزل

بارك الله فيك

صح لسانك يابو مزون ... والله يعينك على الفرقى

يقول الشاعر عوده الخليفي
درب الهوى ماضي مهو مستجدي .... اللي جرى قبلك على الناس جاري
إن مامشى برضاك خله وصدي ..... ولادامت القمرى على كل ساري

صح لسانك ياشاعرنا القدير

قصيدة جزله ..... وفقك الله

بارك الله بكم

صح لسانك أبومزون

قصيدة جزلة ....

حيااااااااااااك الله

قصيدة جميلة جدا .


بارك الله فيك على ماسطرت . وصح الله لسانك .