عيني اللي جزت ما اهتنت بالمراح
تذرف الماء و تطلب و انا انزف و أجيب
يا عيوني كفاية جرى اللي جرى
كدر الوقت صافي مشاريبها
كلما جيت أبدله مع الغافلين
لن ذكرى هوى البال يطرونها
غيبة ٍ له ليالي و مدة شهور
فرقتنا المقادير و أسبابها
تسهر العين و النوم ما دش برموقها النوم ما دش برموقها
ادعي و اطلب الله مساء مع صباح
يرحم الحال و جروح قلبي تطيب
من سبايب وليف اليا منه طرى
حتى في مجلسي بس اهذريبها
القدر مومن ٍ فيه يالله تعين
لذت أيامنا طافت حتونها
اليا متى نهتني بالفرح و السرور
و أتمشى برجلي مع أحبابها
راحةٍ فيه ينحل خازوقها حالتي ينتهي كل خازوقها
واهني من خذا اللي يبي و استراح
عقب ما ايس شبكة البخت و النصيب
قبل ما حصله في رجاه احترى
قسمة ٍ وال الأقدار يلفي بها
يالله اني طلبتك عسى الفال زين
رحمة ٍ منك و الخلق يرجونها
استلذ بحلاويه عقب المرور
قبل عسرات الأيام و انتابها
يبست الكبد و الدم بعروقها من لواهيبها يبست عروقها
ينعمس خاطري كل ما أقفى و راح
حيث ما ودي انه دقيقة يغيب
فرق الوقت ناس ٍ خدم و أمراء
ليت الأيام تكشف لنا غيبها
يالاجاويد تفريق الأحباب شين
يسهر العين و يكدر أحزانها
من يجيب الخبر من هلي يالحضور
نفعته لي عليها مثل ما بها
راحت الروح و أنحش معلوقها كان ما صاحبي رد معلوقها
ونتي ونة اللي وقع ثم طاح
بين عدوان ماله صديق و صحيب
عقب ما هو على اخذ النفيله ضرا
يوم علمه لفى أمه فرت جيبها
طاح بنحور قوم ٍ تبي منه دين
يطلبونه حقوق ٍ يخبرونها
شطروا جثته عن محل القبور
لأخذت الثأر من شان يدرا بها
سابقة كسروا ساق سمحوقها عقب ما هي جموح ٍ بسمحوقها
من عشير ٍ ذبحني بليا سلاح
كيف أبقول يا ناس مالي طليب
غافل القلب مستانس ما درى
عن بهاذيل حالي و تعذيبها
يا هوى البال لا تفتن العاشقين
انت عشرتك تاليه وشلونها
صحبتك ما ادري خير و الا مرور
و ان عطونيك عشرتك أبرضابها
و اقتنع فيك و أشوف شوفوقها انت نفس ٍ تحوشك من وفوقها
انت خدك كما بارق ٍ يوم لاح
و انت معدوم بالدار جنسك غريب
بس ياليت من باع بك و اشترى
كان هو ينفع الود ودي بها
صدر وردوف و الخد و الوجنتين
و أكثر الموت بالرمش و عيونها
و ان ضحك و ان هرج به حلاة ٍ و نور
ما اخبر فيه عذروب يلقابها
و انت تفرح بك العين لو عوقها فيه لا شافتك ينطلق عوقها
يا صغير النهد يا ضبي البراح
هي صفت لي مشاربك و الا سريب
وضح السالفة و افعل اللي ترى
و انت عندي محبتك تدري بها
ما هقيت اني انساك طول السنين
و انت صون المحبة لنا صونها
المحبة لها منزل بالصدور
قبل تنزيلها يحسب حسابها
سكر الباب و اقفل على سوقها قبل تنشال الأرباح من سوقها
وقف أنشدك يا سيد كل الملاح
جابك الحظ و الله علينا رقيب
من سموحتك يوم كل ٍ سرى
ودي اكسب طماعتك و اسري بها
انتبه من هل السوء خلك فطين
عادة اهل الحسد ما يخلونها
عطني العلم و أعطيك رأي ٍ و شور
كلمة السوء تعرف و يدرا بها
سكر أم الفشق صك صندوقها لا تشوف العرب عيب صندوقها
الشاعر /سعد مسيعيد الحفر الجميلي
من الطرق المتوسع