الشاعر: مصلح فهيد الباطح الجميلي يرثي بها والده الشاعر الكبير : فهيد الباطح الجميلي

قصيدة الشاعر / مصلح ابن فهيد الباطح الجميلي

يرثي بها والده المغفور له بإذن الله
الشاعر الكبير / فهيد الباطح الجميلي رحمه الله



يالله ياللي لك سجدت ولك اصوم

طالبك عبدك يا غفور ويا رحيم


يا دايمٍ وجهك وخلقك ما يدوم

اسئلك وارجوك الاجابه يا كريم


تاقا ابو باطح عن لواهيب السموم

وبرحمتك تدخله جنات النعيم


عساه من رحمتكْ ماهو بمحروم

اغفر ذنوبه يا كريم ويا عظيم


انور له بقبره ووسع يا رحوم

وافتح على قبره من الجنه نسيم


ارحم وعم برحمتك خلقك عموم

يارب اهدينا الصراط المستقيم


خلقك تحت رحمتكْ حاكم ومحكوم

تامر وتنهى وانت في شونه عليم


ابوي بالدنيا سلك جزل السلوم

ماهمته دنياه ولنفسه خصيم


عن الزلل واهل الزلل عاش محشوم

فهيد ابن باطح حكيم ابن حكيم


من روس قومٍ لاتشابهةْ العلوم

جاه ووجاه وحكمه ورايٍ سليم


كريم ابو باطح وللعليا يشوم

للمعرفه والجار ريفٍ مستديم


كم واحدٍ محتاج له واقضى اللزوم

وان كان محتاجٍ يقول الله كريم


يفرّج الكربه لمن جاه مْهموم

ويراعي المسكين واكرام اليتيم


هو عاش بالدنيا من خيار القروم

وهو راح منها روحت الرجل الزعيم


شاعر حكيم بكل طاروقٍ يهوم

وهو أديب الشعر للشعر الحشيم


ليا قصد بيته تقل يرسم رسوم

هو منهجه بالشعر في شعره عليم


بيته ليا منّه قصد مهو مهضوم

ولا يدوّن بيت وزنه ما يضيم


قد قال بالدنيا المنايا والسهوم

يقول محدٍ رايحٍ منها سليم


ولو يطوّل خيرها لابد يوم

ترى النكد قافيك وافهم يا فهيم


الله ايبيحه معي ذكراه دوم

دامني عايش بهالدنيا مديم


اذكره من يوم كنت احْبي واقوم

يوم يحضني وانا طفلٍ فطيم


ساهرٍ لي لين يدْبحن النجوم

بي يحوم ويخفي الهم الكتيم


ويوم يلبسني جديدات الهدوم

بالعياد ويحضن العود الغليم


كيف ابنسى اللي على وصلي جزوم

ايهدّني للنوم من بعد العتيم


يضمّني ويقصد علي لحين انوم

وليا قعدت الخير قدامي وليم


ابوي مثله عندي بالدنيا معدوم

عندي ما تنجب مثل ابو باطح حريم


يالله ارحم والدي وانت الرحوم

راجيكْ واطلبكْ يالله يا كريم


امي وابوي مشاركيني بالهموم

يالله اغفر ذنبهم وانت الحليم


ويالله ارحم موتى الاسلام وتدوم

الامن والخير بالدنيا يديم


والختم يالله يامنش الغيوم

تشفي مرضى الخلق وتعاف السقيم


يالله لاني في رجاك بكل يوم

واعوذ بالله من ابليس الرجيم

صح لسان الشاعر مصلح

ورحم الله الميت

وتسلم على النقل