رديه بيني وبين الشاعر/ سعد الجميلي ابو مروي...

رديه بيني وبين الشاعر / سعد الجميلي ابو مروي....
اتمنى انها تحوز على رضاكم......

وانا ابتديت وقلت:



الله اكبر ياسعـد كيف ابنـســـاه
اللّي ملك روحي وشتت خيـالـي

مشغـول بالي ياسعد وين ابلقـاه
راح وتبعـد وابتعـد ويـل حـالـي

دمـعٍِ نثرتـه بالبكـا يـوم فـرقــاه
مايدري ان العـيـن تذرف همالـي

يـاليتنـي يـاصاحبي ما عـرفنــاه
ولانظـرته يــوم يمشـي قـبــالـي

مشيـت لـه واتعبت حالي بدنيــاه
اروح وارجـع ياسعـد مـامشـالـي

لامـرني فـي تالـي عصير محـلاه
الله اكـبــر لامشــى مــا يـبــالـي

زولـه يـرد الروح والزين غطّــاه
مـاشفت مثله بـالحسـن والكمـالي

لاشـك انـه بـالجـفـا صـار مقســاه
عـزي لـمـن مثلـي تـولـع بغــالي

حب الغضي ياصاحبي سور مرقاه
وينك يـابـو مروي ومرقـاه عالـي

قلبـي يتودد له وبالـحـيـل يهــواه
القلب يـرجـف يـاسعـد لاطــرالـي

راحت حياتي بالشقا يوم ممشــاه
اقـفـى وخـلانـي سهيـر اللـيـالـي

الليـل طـوّل ياسعد حـلـو مســراه
اخـذ معـه سـجـه ويـرتـاح بـالـي

مـاعـاد فينـي انتظـر قـول عــزاه
حب الحبيب اللـي له القلب مـالـي

مجروح قلبي ياسعـد خلي ادمــاه
صـد وتجافانـي بـديـع الـجـمـالـي

كـم مـرةٍِِ يـاصـاحبـي قلت ويــلاه
مـارتاح انا من حب زين الدلالـي

الحب والله يـاسعـد شفت معـنــاه
ماشفت به غير الشقا والعنــالـي

الفكـر سارح بـالغلا حيـل ويـــاه
واتـذكـره لاهـب ريــح الشمـالـي

اسمع قصيدي ياسعد زين واقراه
وافهم علـى ماقلت بـاول وتـالـي

هـذي حياتي قلتها من سـوايــاه
واحكم عليّـه ياسعـد بـالـعـدالـي










رد الشاعر / سعد الجميلي ابو مروي





يـامـرحبا ترحيــبـةٍِ مـالهـا أشـبــاه
يـالشاعـر اللـي بـالمعـاني عنـالـي

الحب مـابـه يــاصحـيـبـي مــراواه
قبـلك تـرى بهـذل زحـول الرجالـي

كـم واحـد قبـلـك نـقــل داه بـــرداه
مـن حب زيـنـات الــدلـع والـدلالـي

طـرد العـذارى يالحـريجـي معانــاه
مـن لامـلـك عقله يجـيـه الـهـبـالـي

والحب مثـل الزرع كان انقطع مـاه
يمـوت عـرقه والجـفـاء سم حـالـي

ان كـان ماعن بعض الانذال تـدراه
يطيـح سـورة مثل جـرف هـيـالـي

اسمـع كــلام اللـي زمــانـه تــولاه
لـو انه اصـغر منك شاف الهوالـي

يـاكثـر من قبلـك عطـاني هـدايــاه
واقـفـت بـه الايــام لا لـــه ولالــي

اللـي لـيـا منـه ضحـك مـن ثنيـــاه
يـطيـح من سوق الـذهب كل غالـي

كـان القريب وكنت من حـر جفـواه
اعــد سـاعـات السـنـيـن الخـوالـي

ليـن انقطـع حبله وضيّعـت مرسـاه
وأجـنبـت عـن دربٍِ يجيب العنالـي

مير أنت كان الحب جالك من أقصاه
اشرب بكفّـك مـا / الغدـير الـزلالـي

وأقطف ثمر حلوة من أقصاه لادنـاه
وأعـقـد عـليـه ووثــقـه بـالحبـالـي

تـراه كـان ان الزمـن قـطّـع رشــاه
يـروح وانت اللي خسرت التوالـي

وان كان ودك فزعتي جيت بالجـاه
واعطيـك ما بالجيب من حـر مالـي

ما والله اذخـر عنك جهدي ومااقواه
حنـا كـذا للـي يـجـيـنـا / نــوالــي

نـاقـف معـه حـتـى نعقّـل مـطـايــاه
الله معـودنــا صـعــود الـجـبـــالـي

نـصـيـر للطيّـب مـن اقرب دنـايــاه
ماللحمــول الا ظـهــور الـجـمــالـي

هـذا الصحيح وهـاك علمي ومبــداه
يــامرحبــا تـرحيب غالـي بغــالـي

ماشاء الله..........وصحت ألسنتكم على .هذه......الأبيات الرائعه

صحت ألسنتكم

..

رديات وقصائد رائعة

تسلمون وصحت ألسنتكم

ردية رائعة ... صحة السنكم

بارك الله فيكم على الردود الرائعه

ردية رائعة ... صحة السنكم

صح لسانك ويعطيك العافية