قصيدة نظمتها بمناسبة صدور كتاب " الدرر الجليلة في تاريخ بني جميلة " للمؤلف الأستاذ : صلاح بن محارب المليح الجميلي
ولا شك أن الأستاذ صلاح يستحق أكثر من ذلك فهو الرجل الذي ضحى بوقته وجهده في سبيل رقي هذه القبيلة العريقة ولم يتوان في ذلك ولم يرده عن مسعاه كل محبط ، وفقه الله لما يحب ويرضى.
[poem=font="mateen,6,blue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
أجيب من بيت القصيد أغلى الأشعار=ما حترت فيه ولا استعرت استعاره
فكري يوردني على الجم واختار=واغوص في بحر القصيد بجداره
شاعر ولي بالشعر بصمة وتذكار=شعر ورثته واحبكه في مهاره
شعري كما نظم الدرر وسط محار=صخرت قيفانه واعسف مهاره
وإن جيت للتاريخ لي علم واذكار=ابحث وتلقى موقعي بالصداره
من نسل أمير حط بين العرب كار=يوم الإمارة تستحق الإماره
ما جت له بتوقيع ولا دفع دينار=جت له بفعله ما عطته الوزاره
واليوم دور العلم يرفعك مقدار=يجعلك مرجع للعرب واستشاره
ابمدح اللي بالكتب سطر أخبار=درب عجزنا نسلكه شب ناره
صلاح أبو عبدالله الناصح البار=صدر كتاب وحط فوقه شعاره
فتح لنا الآفاق واظهر لنا أسرار=ما أهتم للحاقد وراع العياره
يجزم على الموقف ليا صار ما صار=علم عوجه الوقت عدل مساره
ليث ويمشي خلفه صغار وكبار=لاصد خلى فضلته للسعاره
بحث عن الماضي وسافر بالأقطار=بالبحث والتوثيق وسع مداره
دون علوم أخوات سلمى والآثار=وانزاح ليل الظلم عقب انتشاره
[/poem]
ولكم ودي