سعد بن مخلف الرشيدي
يبن جابر توقع لاتطير
امسك ارضك بعد غيم سماك
خل عقلك بهدنيا كبير
طيع شوري بعد ربي هداك
احمد بن جابر الجميلي
مرحبا مرحبابك يالعشير
قبل تزعل مافكرت برضاك
نفرق البحر من لون الغدير
ونعرف مستواه ومستواك
سعد مخلف
البقا ًء فيك يالبحر الغزير
كل ظامي رجع ماذاق ماك
رحا يطح ن الحب الكبير
وانت لشر قلي وش حداك
احمد ابن جابر
كان تبغى الموارد والصدير
شد حيلك ولا ترجع وراك
ياجمل ياجمل عقب الهدير
صاير الناس مزعجها رغاك
سعد مخلف
الإمارة تبي رجل الامير
وانت راعيي تدوج في عصاك
خلها بيننا مسك وعبير
قبل نشب كلامك في جماك
احمد ابن جابر
المواقف تبي قلب وظمير
مايجي فيه رعشه وارتباك
راسك اصلع وجسمك مستدير
جل شان الكريم اللي بناك
سعد مخلف
كيف اقد العماء والا ظرير
انت احسبك تشفا من عماك
ماضحكنا على هرج الغرير
استتر قبل نكشف ماوراك
احمد ابن جابر
مبعدين النظر ماهو قصير
قاصر الشوف عله للهلاك
لاتحسب الغني مثل الفقير
كان هذا صوابك من خطاك
سعد مخلف
انت هرجك مثل سلك الحرير
راعي شور باعك ما شراك
معك ماضعلي حبت شعير
مير يسعد صباحك مع مساك
احمد الجابر
قمت لك لين ما قامت تسير
ما تمنيت اضيقها معاك
و النعم فيك شر و فيك خير
مانبي لا غداك و لا عشاك
و صح الله السسانك
آخر 10 مشاركات
منذ /30-09-2019
محاورة سعد مخلف الرشيدي و احمد جابر الجميلي
العرض العادي
