احمد جابر
الطبيخي لويفكر بالبعيد وبالقريبي
كان مايضحك مع اللي يكره والي يحبه
خابرينك ذيب لاكنا نصيدك بالشعيبي
مير حذرا لاتحول بالشعيب ولا تطبه
عزيز الطبيخي
ياحمد الجابر توقع جعل شمسك ماتغيبي
واعلم انا ماضحكنا ضحكتن من غير سبه
الشعيب اللي وراه الضلع به عشرين ذيبي
مار من بينك وبينه ريع ذب الريع ذبه
احمد الجابر
كان قلبك من جروح الوقت عيا لايطيبي
يمكن ان الاخره تجزا على علاجه وطبه
شاب راسك بالشباب ولان عظمك بالمشيبي
والحظيظ اللي قضى عمره وهو ساجد لربه
عزيز الطبيخي
جرحي اللي في ضميري مايعالجه الطبيبي
سبته ناس ٍ تحسب المدح بحساب المسبه
شاب راسي وانت اظنگ واحد من اسباب شيبي
كل ماسقي غصن شجره شالها الريح بمهبه
احمد جابر
كيف تقنع بالظلام اللي ستر تسعين عيبي
ونت رجلن يحفظ اسراره بوجدانه وقلبه
كنك مستوحش من ديار الجماعه ومستريبي
تجمع العيدان قبل العام بالبيت وتشبه
عزيز الطبيخي
مايضيع العلم ي اهل العرف بالقلب اللبيبي
والهبيل بواهج الجوزا لبس فروه وجبه
انصحك وقول صل الفرض وتعوّد طليبي
ويش اسوي كل ما نبهگ ي احمد ماتنبه
احمد جابر
ياوسيع المعرفه ماضاقت دروب العريبي
بينك وبينه وبين البحر حيتانه وغبه
انت دورك يالطبيخي فات مع دور الرهيبي
لو يطب السوق مع سوق الجلاكسي مايطبه
عزيز ال طبيخي
كان ماتعرف هديب الشام ريح ي هديبي
كل من ينثر حبوبه قدمنا مطحون حبه
انت في وقت التليفونات عايش ي صحيبي
كبر وسادتك وصحا كل ماصاح المنبه
صحت السسسنتكم 🌹
آخر 10 مشاركات
منذ /29-08-2018
محاوره بين احمد الجابر وعزيزالطبيخي
العرض العادي
