خذيتها بذراع
بديت بسم الله وسجيت سجات
بين الخيال وبين ضاهر وعايد
ناسٍ تجيك اسكات من دون زلات
وناسٍ تجيكم تنسرد كالجرايد
وقبل الرجال افعال ماهي سهالات
بين السماء والقاع الهم وسايد
وانا لي ارجال وعقل للمهمات
خذيتها من طيب بين الشرايد
خذيتها بذراع ماهي ببوقان
بين الرجال اهل اللحى والوكايد
انشد مطير ومره اهل الحليلات
اهل الكفوف الوافيه والصوايد
وانشد رجال الدار انشد سويطات
اهل الكرم وقت الرخى والشدايد
لاجل المليك اللي رفع كل ايات
الدين واهل الدين فيها عوايد
وشمر هل القمه رجال الكبيرات
لا صكت الدنيا بناقص زوايد
واهل الجزيره وانشد اهل السعيدان
اللي مع (. سفاح. ) صارت رعايد
والباطن اللي شيب الراس والذات
منزل جميع ربوعنا والسنايد
منزل فحول الماجد الطويلات
اللي لهم بارود ضد القرايد
قطاعة الفرجى بليات علامات
بين الوعر والشر واهل المكايد
نار ٍ على منهو يطق الهزيلات
لاجل البكار انصير حر وبرايد
واذكر ارجالعتيبه اللي اذا جات
مثل السهم والدم بين الورايد
وعيال حرب اللي ترد العريبات
من حول اخوحسنا عطيب الولايد
وارجال ابن حثلين اهل الجزيلات
الي تمد ولا ترد الوعايد
وعيال عطا اضلال ناس ومضلات
على النقيره لا غدا الحد حايد
واذكر على حد الشمالي شرارات
مسكرين الحد مث ل الحدايد
وقحطان مع عدنان اهل المروات
امطوعين اهل الغدر والعنايد
وكل القبايل ذكرها نور شامات
بين الوجيه اسيوف شطر وجدايد
وختامها سجات عقلي وسجات
دايم خياله بين ظاهر وعايد
يوسف مطر الماجدي✍🏻
( راعي الرِيشه🐪🐪