عندما تتكلم الاحاسيس ........؟؟

سجد قلبي على رمل الضلوع وهزه التنهيد
وأنا في قلبي خيام الندم والخوف منصوبة
يأرب أفهق هلاكي والمنايا والدروب بعيد
ما دام المودماني للتراب تقوده دروبه

يا غيّاث الظوامي والثمام وجرهدي البيد
أعذني من جهنم والحشر والموت وكروبه
أنا ما نيب لا مشرك ولا فاسق ولا عربيد
أنا اللي لا عصى وأخطأ تجهم وأقلقه ثوبه

أنا عبدك ولد عبدك وجدّاني هل التوحيد
خطاياي أخجلتني يا لله الغفران والتوبه
أنا اللي يرتجف مثل ارتجاف الخايف الرعديد
إذا شاف القبور الضيقات وحس بذنوبه

أنا الإنسان حمال النقايض والكمد والكيد
غريق الطين واللذات من راسه لعرقوبه
أنا عبدك يا ربي وأنت تفعل ما تشاء وتريد
سألتك يالله العفو العظيم وهيّن دروبه


للشاعر نايف الصقر

يعطيك العافيه

قصيدة في قمة الروعة للشاعر نايف صقر

شكرا لذوقك الرائع

وفقك الله

شاعر غني عن التعريف

صح لسانه

الأجمل اختيارك

صح لسان الشاعر

وتسلم يمينك على النقل ياابو تركي

يعطيـــكَـ العـآفيـــه

..

صح لسانك


يعطيك العافيه