قصيدة الشاعر : سعد بريك البادي ورد الشاعر : خلف المهدي
يازين جو البارحة يابو سلطان
جوٍ عليل وفيه بسط وسعاده
في فيضةٍ ومسمية جو لبنان
نسناس ذعذاعه يشادي براده
مع خوة اللي فعلهم باللقا بان
كل على فعله محصل شهاده
رد الشاعر : خلف المهدي على الشاعر : سعد بريك البادي
قافٍ دعاني من عزيزٍ وله شان
أنا أشهد إنه لي وسام وقلاده
أبو فرح رمز الأخوة كحيلان
من روس قوم لْهم زمام القياده
أثرت فيني داعي الشعر يافلان
أصد عنه ويعترض لي جواده
لا أسرج ظلام الليل خيله مسيان
وانزاح ضي الشمس وأقبل سواده
وطل القمر وأضوى على كل الأركان
وبعثر نسيم الليل هم الوساده
ينزاح همّ اللي من الوقت زعلان
يسلا خفوقه بعد ضيق ونكاده
مع رفقةٍ هم لي بني عم وأخوان
دايم لهم فعل المواجيب عاده
في صحصحٍ لو إن مافيه بستان
ينساح بالي ويْتحقق مراده