نطيت رجم الخفي وشرفت مرقابه
وهليت دمعي على شوفه وطاريه
ومريت ابو هيشه وعديت مشرابه
ناظرت منزاله ومسجده وحصيه
ولا الحصانه على عيده نزلنا به
هي وام نيرات وحسيكان وشويه
هي شمعة الارض والعساس فلابه
وام الكثاثين وام غوير وحقيه
مرباعنا بينهن والقفر نرعابه
ميرادنا وسط عدآ صافين ميه
مي الدحل وام ضيان انتغدابه
روحي على شوفته والقاع محميه
وجدي عليها كما الملدوغ من نابه
قريص دابن ويبس الريق بشفيه
عيا يفيد المطوع يوم يقرابه
ضاقت عليه الوسيعه مع بلاويه
عليك يلي نسيت الود واصحابه
يشمعة الدار وروحات والجيه
شلعت قلبي من المعلوق وعصابه
يلي جمالك زهاك ولا خلق زيه
هي سلوة الروح وقليبي تشقابه
ابو جديل ن على الامتان مكسيه
مبرية. العود كل الزين يزهابه
لا لدلي كن عينه. حد. شبريه
مدعوجة. العين للعشاق نهابه
مخصره كن مشيه مشية الحيه
مزبورة الردف والاوصاف جذابه
كن العسل لانطق ينصب بشفيه
ياصبر قلبي عليها كان قفابه
ويقرد. عيني واياعين الشقاويه
ودي خذيته من الانذال واقرابه
وان كفت عن ديرته برضن خلاويه
شاعر المنقيه
#خالد حامد#