قصيدة للشاعر / صبح مزوي الجميلي

قصيدة قالها الشاعر في مدح ابناء الشيخ / عبدالله العريفج عندما جاورهم على هجرتهم جو الحديق ويثني على جيرتهم
وإكرامهم له---

[poem=font=",6,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
أبوزقم وسعود نعمين بالجار=اللي مشى لبيوتهم مكرمينه
مزيد وابو مطلق من الربع نختار=وعيسى مع اللي بالشرف كاتبينه
حطوا لهم عند الرجاجيل تذكار=جو شروه وبالثمن مشترينه
ميه قراح صافي يغدي الامرار = ومي قراح بالقدح شاربينه
وفرق على ربعه من الجو واختار=وعقب التفرق نزلوا نازلينه
جابوه من قوم عدوين وأشرار=عدو جد مبغض مبغضينه
ابو محارب شاربه مايجي النار = للجنة الخضراء ربه ضمينه
عقب عيال مابهم كذب وانكار = كل العلوم الطيبة عارفينه
وتملكوا قلبانهم بأرض الاقفار = يوم البداوه والعرب مشتهينه
منزل شرف عند القبائل لهم كار = واللي يجي من ربعهم حاشمينه
وقلبانهم ماطبقوهن عن الجار = ونفوسهم بربوعهم باذلينه
طابوا وطابوا بي وانا قبل محتار = وشربت لين الجو شلع قطينه
وادعي لهم بالخير مع كل الابشار = واللي حظر واللي ماهم حاضرينه [/poem]

الشاعر / صبح مزوي الجميلي