اقدم لكم هذه المتواضعه جدا .. تتنتظر معانقتكم

انا ماشي على اصول الشريعه
ولو شفت الزمن يفرد شراعه

باعبدالله واصلي له واطيعه
اخاف اموت ماعندي بضاعه

سنين العمر تقفي بي سريعه
ولاح الشيب في راسي بساعه

كماروض ٍفقد خضرة ربيعه
وحل به المحل وامحل بقاعه

مدام الروح في جسمي وديعه
تحلا ياخفوقي بالشجاعه

ترى الدنيا بها ايام ٍ مريعه
تخلي من قوى قلبه رعاعه

تضيق الارض لوكانت وسيعه
وهذا الشي معطيني قناعه

اعاف اهل الطمانه والوضيعه
واعشق اهل التعلي والرفاعه

وهذا الحب في نفسي طبيعه
تعلمته من اطباع الجماعه

ترى الطيب انا اسمع له واطيعه
وبعض الناس لا سمع ٍ وطاعه

وكل انسان له جزوة صنيعه
تقلط له على مدت ذراعه


تقبلوها ... والجاي اكثر ........ دمتم بخير