محاوره بين الشاعر : فواز البريك والشاعر : سعيد المحطب
الشاعر : فواز البريك
بالحفر مع شارعن مافيه نور
مايحده غير ربعك من شمال
الشاعر : سعيد المحطب
خابرك في ظلمته دايم تدور
لا نجيب الكارثة يابن الحلال
الشاعر : فواز البريك
ماحداني للظلام الا الدبور
معتبر ظلماي مع وضعي ظلال
الشاعر : سعيد المحطب
دون نور الشمس ظل بطول سور
وانت اخبرك ماتغطيك الجبال
الشاعر : فواز البريك
المكان اللي من الناس مهجور
اعتزاله لا تسميه اعتزال
الشاعر : سعيد المحطب
كان مالك في وسط ناسه حضور
اعتزلهم لا تنوّخ لك رحال
الشاعر : فواز البريك
ماحضر مثلي ولا مثلي صبور
مير مال الصبر والحضره مجال
الشاعر : سعيد المحطب
ايه هاذي هقوتي بك ما تبور
كان لاح البرق في عرض الخيال
الشاعر : فواز البريك
انت لك جمره وانا قدري يفور
وان طبخناها تبي تطبخ رجال
الشاعر : سعيد المحطب
لا تشب النار في بعض الصدور
ثم تنجب من سنا الجمرة عيال