الشاعر : عيد بن مطلق
ابتـدي باللـي عـليـه اتـوكل گل يـوم
ربنا اللي مد رزقه علـئ كـل البـشر
والله انـه ضايق البال من كثر الهموم
وفـوق هذا صدري اليوم دامره القهـر
حالنا في خير ثم نعمةً جـعـله يـدووم
وادري انه ماهو دايم علئ اللي ماشكـر
الرجال اليوم تفخر علئ شيـن السلـوم
همه انـه يـملئ بـطـنه بـمطعـم مشـتهر
والحريـم اليوم تفخر علئ زين الهـدوم
حتئ لو الزوج مسكين عايش في فـقـر
غـيـر هـذا بس شيـلات ثم دق الخشوم
ذاگ يومي في عقاله وذي هـز الخصر
هـذا واقـعـنا نـعيـشـه وهـو ماهو لـزوم
اشكرو الله ياجماعه علئ العيش اليسر
شوفو اللي حولكم عايش الغبن محروم
بيـته اللي عايشً به من الحـرب انـدمـر
اهربو من قصف مدفـع وطـيـاره تحوم
شردوهـم مـن وطنهـم مـلاييـن الأسسر
عايشين بـملجأ الغـير ما أرتاحو بـنـوم
جـالسـيـنً فـي خيـام وصـنـاديـقً غـبـر
هم ملابسهـم خفيفه علئ بـرد وسـمـوم
ماتـدفي هـالملابس وهـي تحت الصفـر
هـاذي معلومه براسي و وصلت للعموم
النـعـم تـبـغـئ مـن الحمد لله والـشـگـر