بسم الله الرحمن الرحيم
السلام عليكم ورحمة الله وبركاته
هذه ردية بيني وبين الشاعر / سدران الصبر ، بسبب أنني أطلبه بعض المال وأراد بيع الجيب ليوفيني.
قال الشاعر سدران :
[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يالجيب لو أنت غالي جاني الغالي = أرخصتك اليوم لو إنك خوي لي
لو إن دمعي عليك اليوم همالي = كله على شان ناس تدمح الزلي
وليا فرجنا لهم يفرج لنا الوالي = ولا بد عقب الحرور نصير بالظلي
وأرجي السموحة عن التقصير بالتالي = ياللي بقاع الخلا ما يعرف الذلي[/poem]
رديت عليه بهذه الأبيات :
[poem=font=",6,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
هيضت قلبي على زينات الأمثالي = ورديت لك كل ما يطري ويفطن لي
الطيب بيني وبينك يرصد أموالي = ولا ينحصد عدها لو هي تكمل لي
أنا أشهد إنك عزيز وطاري ببالي = عذبات قيلك على الطاروق تشهد لي
مثل الجمايل لأهلها نرخص الغالي = ما ينكر الطيب غير العفن والهزلي
لو إنها قدمت نسمح لك التالي = والمعذرة يا سديد الراي والجزلي[/poem]