قصيدة الشاعر الكبير / فهيد الباطح الجميلي رحمه الله بسعادة اللواء / عبدالعزيز بن عبدالله البعادي مدير المديرية العامة لشرطة المنطقة الشرقية
يقول الاديب اللي تمثل قصايده ..... مواقفه تعرف ليا انقاد سايده
يقدمهن لمن طلعه بعيدٍ عن الردى ..... صميدحٍ كسب الثناء من عوايده
اقابل اللي ترفع الراس سمعته ..... عبدالعزيز اللي تنفّل حمايده
عند ابو عبدالله واقدم هديتي ..... مدير الامن زيزوم الافراد قايده
ما قدّموا من قومٍ الا خيارها ..... اللي تعلّت رتيته من شهايده
الاجودي تلقى به الظل والذرى ..... والعفن عنده نيّة الخير كايده
كلٍ يحصّل مكسبه من قدايمه ...... تنشر وتقرى بالصحايف جرايده
انا جيت يمّك يا فتى الجود عاني ..... القدر لله والبشر من عقايده
الاجواد للعاني وللضيف والخوي ..... مثل الغيث من وسمٍ تقدّم قلايده
امشي على الثنتين والثالث العصى ..... والشوف قصّر ما بقى الا شرايده
عساك يالبعادي من فوق هقوتي ..... تقول تم ولا تكثّر وعايده
ابي نقل جنديٍ من مكانه ليا الحفر ..... لا ناقصٍ جندٍ ولا هو بزايده
هذي غاية المطلوب وبراسك البقى .. كفايه ولا من طولت الشرح فايده
واختم كلامي في صلاةٍ على النبي ..... واللي بذر زرعٍ ترجّى حصايده