قصائد المسابقة الشعرية الأولى

المشاركة الثامنة

الشاعر / خالد الغشم

أ) قصيدة المجاراة

[poem=font=",6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يالله ياغافر ذنوبٍ وسيئـــــــات=مبداي بك مالي بغيرك بــدايــه
ياخالق للخلق جنه ولـــــذات=ارجوك ترحمنى وتغفر خطــايـه
نورك على كل الفلك والمــــجرات=كلن يسبح لـك ويسجـد لآيــه
علام مافى الارض ويا الســموات=رفيع فوق العرش يعلم خفـايـه
يامعطيٍ حسناك جـزل العطيــات =للـحق تـهديني وحسن النوايـه
يافارضٍ للعبد خمس الصـلوات =يـاعالم بالمستكن بحشــايـه
الطف بحالى ياعظيم المـقـامـــات =العـمر يمشى والقبور النهـايـه
ولا ينرجع شى على كل مافــــات =لو هي سنين ما ضيات ورايه
[/poem]

[line]-[/line]

ب) القصيدة الثانية

[poem=font=",6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""] بادي بالمعتلي منشا الخيالي =الله اللي منشي حس الرعودي
منبت الأشجار من مي زلالي =مخضر بالأرض زينات الرهودي
واتكلم في بيوت للرجالي =مدهل للضيف من سلم الجدودي
كايلي البن في زين الدلالي =ما حسب خسارتة عد النقودي
يا بيوت بنيت مثل الجبالي =للجميل اللي بنت قرب الحدودي
افتخر في طيبهم عز الرجالي=علمهم وصل الحجر وارض النفودي
يذبحون الحيل ما شحو ريالي=كلهم للطيب فخر اللي يزودي
حلودق نجورهم عصرالليالى=بالليال المعسرة فيها نجودي
لابتي لاصاربه قيل وقالي =مثل صفت جيش ضباط الجنودي
يحتمون الذود لاحل الجفالى=مابهم رجل خيوف ولا شرودى
واختمة فى زين عذبات المثالى=صاين قافى عن هروج الحسودي [/poem]

المشاركة التاسعة

الشاعر / غنمان الغانم

أ) قصيدة المجاراة

[poem=font=",6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""] على نغم مسحوب جزلات الابيات = جاريت شايب في قديمه حكايه
شايب من المعنى يغوص المغبات = يروي على تالي سنينه روايه
وانا على القصه فتحت الملفات = باخذ من المظمون واكتب عطايه
والله لوان السنين القديمات = تعرف مقامه ماتحطه نهايه
من حن قلبه لليال الجميلات= اروى من الجزلات يابس ظمايه
لي حق افخربه واقول السمينات = شرواه يسكن في قصيده حشايه
عفيف قاف ولايجيب المطمات = دربه نقي ولاختلط بالردايه
مرحوم لوطاريه لليوم مامات =عساهـ في جنات رب البرايه[/poem]

[line]-[/line]

ب) القصيدة الثانية

[poem=font=",6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
طلبتك لاتودعني توكل واحتضن فرقاي=ترى مااصعب من الفرقاء سوى دمعات توديعك
لصرت اللي نويت تغيب عن عيني وعن دنياي=قسم مايبري جروحي حجم عذرك وترقيعك
ظميتك وانت في شوفك ينابيعن تصب الماي=قدر غيري لوانه مرتوي يشرب ينابيعك
عسى اللي فاز بك يقدر ينسيك الغلا وذكراي=لواني واثق ن قلبك على النسيان مايطيعك
عروسة من خذا اجمل حبيبه تستحل احشاي=ابارك له وبارك لك وبار ك له بتدليعك
نذر لاجيه بالقاعه وامد من الشقاء يمناي=وخلي مصافحة يده جنازة يــوم تشييــعك
حرام ازرع سنيني فيك واحصد للشقاء مسراي=وطاول دربي المظلم على نغمات تلويعك
ماراح من العمر اكثر كثير ولابقى بالجاي=سوى دمع القصيد اللي سقا مايه مرابيعك
فقدتك والمصيبه غصب فقدانك ماهو برضاي=شتات ولو بكيت العمر كله صعب تجميعك
طلبتك لاتودعني توكل واحتضن فرقاي=ترى مااصعب من الفرقاء سوى دمعات توديعك
[/poem]

المشاركة العاشرة

الشاعر / سعود البسام

أ) قصيدة المجاراة

[poem=font=",6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""] قطيفان هيضني على بدع الأبيات = الشاعر اللي حط للشعر رايه
أبنظم بيوت جزيلة صعيبات = واختار من نظم البيوت بهوايه
وأعطيك من بعض التجارب علامات = من شاعرٍ عاش الحياة بدرايه
يا من حياته توها بالبدايات = العمر يالجاهل ترى له نهايه
الطيب خير من الردى عشر مرات = والزرع ما ينبت بليا سقايه
وليا اجتمعنا جا لنا علم واثبات = هذا كلام الصدق ما به روايه
الدين خله دايم من المهمات = وصلاة ربي من عذابه وقايه
واختامها مني صلاة وتحيات = على النبي اللي بعث بالهدايه[/poem]


[line]-[/line]

ب) القصيدة الثانية

[poem=font=",6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""] بادي بالله عدد ما نشا نو الخيال = وعد ما لاحت بروقٍ وحن من الرعد
يا مدبر بيض الأيام مع سود الليال = يا عليم بالخفيات ما غيره أحد
طالبك يا واحد جل وصفه بالكمال = حيث منهو يطلبك ما يخيب من السعد
تغفر ذنوبه وترحمه يا رب الجلال = وتنزله في جنة الخلد وتغفر له بعد
ذاك أبوي اللي مضرا على كسب الفعال = كاسب كل المراجل ويشهد من شهد
رحمة نرجيه من ربنا مرسي الجبال = الله المعبود نرجيه إلى يوم الوعد[/poem]

الآن التصويت مفتوح

فصوت لمن يستحق

شكرا لك أخي العزيز / خلف المهدي المحترم على هذه الجهود المبذولة ونتمنى لجميع الشعراء التوفيق

ملاحظة : رأيت في أحدى القصائد مغالطات تاريخيه ونحن نعتبرها وجهة نظر غير موفقه وتخالف الحقيقة......

بارك الله فيك اخي خلف المهدي على اهتمامك وجهدك لخدمة هذا المنتدى ...........وفقك الله والى امام

نشكرك اخي العزيز خلف على هذه الجهود الملوحظة ونسأل الله التوفيق للجميع

بارك الله فيك اخي خلف على جهودك والى الامام
واتمنى للجميع التوفيق والسداد