شف الفنجال

شفة الفنجال

بسم الله الرحمن الرحيم

اسعد الله اوقاتكم


اعود اليكم اخواني اعضاء الملتقى بعد غيبه وللتواصل اصافحكم - بهذه القصيده - اتمنى ان تنال الاعجاب


تمركي ي حروف الشوق واخذي شفة الفنجال
..........من ادلال الغــرام اللي ورا الغطــوه مخــفــيها

ابا اعــدل بها راســي واباخـذ بعــدها مقيال
...........مابين الــوردتين الحمر والبســتان كاســـيها

ابا اخــذ غفـوة اشواقي مابين الخد والسلسال
....ابا احلم بكـ ولا استيقضت انا احلامي لك ارويها

ابا انسـى رحلة احزاني وطبع الحل والترحال
........ابا اسكن في عيــونكـ واتركـ العًـالم واداريها

ابســتوطن متاهاتكـ واغني لهفــتكـ مـوال
.........على مسرح جمالكـ باعزف الحاني واغنيها

تعــال نذوب باحــضان الوله ونــعذب العذال
..........تــعال نعــيش لحــظات الغلا نسري بمانيها

ابيكـ تصير لي جــنه وابا سكن نهرها نزال
...........اباقــطف من ثمــرها وارقــد بعـتمة لياليها

عجزت استوعب الغربه ثمان سنين انا رحال
..........جروحي مالقت من هو يضــمدها ويحــويها

تعبت ارجي غروس الزرع مازالت على ذا الحال
......تحـــــرى من حــنانكـ تمــطر الغيــمه وتســقيها

وانا ارجي غيمة الاشواق تمطر وبلها الهمال
.........عساهــا تسقي غــصون الغرام بعين مغليها

ابقضي باقي ايامي مابين الرمش والخلخال
.........فــداكـ الكل ي روحــي وهالدنـــيا ومافيـــها

ابيــكـ اخر محــطاتي وابيكـ انهاية التجوال
..........وابيكـ تشيل من صدري هموم كنت مخفيها

همومي ، حزني ، افراحي وكمل باقي الاقوال
.........تراها فـي يــديــنكـ وانته اتــصرف ابــاقيها


..

الشاعر زيد البناقي صح لسانك

عدت وعاد التميز والإبداع


فعلا مافيك حيله شاعر تخاطب المشاعر والأحاسيس


وفقك الله

ماشاااااااااء الله
صح لسااااانك
دائما رااااائع
نحتري جديدك

صح لسانك


وقصيدة فوق الجمال

صح لسانك ولاهنت

قصيدة رائعة

صح لسانك