بالمهمه والمواقيف المهمه
والامور الكايدات ومن طرفها
بكل عز وكل فخر وكل همه
نمتطي خيل المدايح ونعسفها
مامدحنا الا الدواهي بين الامه
من تربى العز فيها وفي كنفها
الرجال اللي لهم وجهه ويمه
في دروب المجد والقوم نعرفها
محزم اللي ماوطت رجله مذمه
سيرته عطره مثل سيرة سلفها
البديح منبع الجود ومتمه
من زقاعين الفعول ومن خلفها
كل صعبه عند ابو مصعب ويمه
كنها قارورة الما لاحذفها
العقيد اللي به مروه وذمه
كل رتبة عز تكسب به شرفها
يارد العد الرهاوي من مجمه
ماطمع في غرفتينن واغترفها
متعب نفسه ليرقى كل قمه
ماقعد يتبع هوى النفس وترفها
لين خلا المجد خالن له وعمه
من فعولن مكتسبها مااستلفها
الشاعر متعب صلفيق الجميلي
https://youtu.be/-AhSPsMsFTg