جعله تساهيل دربك يوم تنساني
عل السعاده ترافق موكبٍ شالك
اعطيك قلبي غلى ورده لبستاني
والا شجر يرتوي من مي شلالك
خذاك مقسوم ربي لاتحراني
لوهي على الكيف والله لتعنالك
صبرت والله على فرقا تحداني
ضيعت وقتي على شانك وبشغالك
واخلاصة الهرج مني لفظ بلساني
اعلنت حبك نهايه وش تبقالك
هاذي مشاعر حزينه لاتمناني
اقولها في بحر شعري يغنالك
هويت غيري لواحد وانت له ثاني
عساه في قسوة الايام يصفالك
يامركب الشوق نار الهم تصلاني
بعدك عليّه مثل ذنبا شفعنالك
خليتني في زمان الصمت وحداني
وانته تسلى بوقتك جالس لحالك
يشمعة النور والله وقتك الجاني
لاتحسبني خطا في كل موالك
ارحل وبقفي وخل الدمع لحزاني
مدام حزني على فرقاك يرثالك
من الارشيف -----------خالد حامد غشم المحارب