الشاعر : مصلح بن فهيد الباطح الجميلي
يقـول الأديـب اللي ليـا انـراز ما ينهـاز
معجّـز لـيـال العجـز مـا زعـزعـت عـزّه
قـويٍ بحيل الله وغيـر الولي مـا اعتـاز
ومـن يـسـتـفـز مـحـصّـلٍ كـبّـة الـفـزّه
وجودي على وقتٍ مضالي معاه ألغـاز
زمان الصبا يوم الصّبا لي معه خـزّه
ألا يا وجـودي وجـد من باللقى ما فـاز
جـذت مهـرتـه يـوم إن مـن طـارده لـزّه
تقنطر على وجهه وصاب الحصان انحاز
وشـلـفـى عــدوّه بـيـن الاضـلاع مـنـغـزّه
وقف فوق راسه ما حصل بينهم حجّـاز
وشـلـفـاه شـبّـعـهـا قـبـل سحبهـا هـزّه
ونادى بعالي الصوت ياخوي لك معتاز
تـرى نفعتك يـا الاخـو لاخـوك هالحـزّه
سمعت إن اسير اعداه مقفي وزج العاز
لـمـن ينتـخـي ويبـشّـر الـنّـاخـي بـعـزّه
أبشّركْ في عـزّك ودون العـدو ما اجتـاز
ومـن يعتـرض دونـك لـيـا جـيـتـك اجـزّه
عـدّوك عـدوّي واثبـت بـعينـه الـمـخـراز
ومن لا يعزّك يا أبيض الوجه ما اعـزّه
حريصٍ على الجزله غيورٍ على الاعزاز
اعـزّ الـرجـال اللي فـي نفوسهـا عـزّه
اصيب الهدف بالعقل في دقةٍ وانجاز
مَـنَـا مـثـل مـن عينـه بـسبّـابتـه طـزّه
ابرمج بعيدات المدى وأضبط المركـاز
وأغــز الشـواخـص للـدواليـب وأقـزّه
وزمان الصبا الماضي خذا ما احتواه وحاز
من الذكريات اللي لها بالحشى حزّه