محاوره بين الشاعرين :
الشاعر : حمود بن حفر
و
الشاعر : عشوي بن عياد
حمود ابن حفر
ياعشوي لك مدتن مالك هديرن يسمعونه
الجمال ومن خلطها ياعشوي وسط المفالي
الجزل لامن لحظ هزلااات غمض في عيونه
وانت من روس الجزال ولانت من روس الهزالي
عشوي ابن عياد
الجمل ي حمود لو انه هدر ما تنطحونه
لو تحطون السناسل في يدينه والحبالي
الهزيله مانقووم لها وطبعي تعرفونه
اتغاضئ عن كثير الناس لو جاء لي مجالي
حمود ال حفر
كيف بالسرعه تبئ بابن فتحنا تقفلونه
لاقفلت الباب الاقصئ قفل الباب الموالي
شفت ناسن سببو للشعر عثراات ومهونه
والسبب جهل العقول اللي بلت بعض الرجالي
عشوي عياد
انت ابومختار وامش برايك اللي ترغبونه
ما قفلنا الباب هذا رد اجابه للسؤالي
خلهم بالجنب الايمن واسمع اللي ينطقونه
واترك اللي ماشين في سيرته يابن الحلالي
حمود ال حفر
كيف ابمشي والجمل غزيت رمحك في متونه
ماتخاف الله بتشذيبة سنامه والطحالي
الله انه يقطع التصنيع واصحاب النمونه
ودهم موت الذيابه لجل تقديم الغزالي
عشوي عياد
ليه غيرت الطريق وصار علمك فيه بونه
نوب تمشي بالحرام ونوب تمشي بالحلالي
مايوافق لصحيح الكذب لوهم يجمعونه
نوب تشهد لي ونوب القاك ضد لي لحالي
حمود ال حفر
اعتدل ياصاحبي مابعد هالتوضيح مونه
منت خيشه بالهواء يكفخ بها ريح الشمالي
والله اني واقفن ميقاف تبطي تاقفونه
مايبعدني ضعيف النفس عن عمي وخالي
عشوي عياد
العتاد بمحزم الفريس والخيل معنونه
وانت ماعدلت نفسك كيف تامر بالعدالي
تعرف الميقاف يا رجال واللي يفهمونه
وانت تدري لاحتما الميقاف به مرن وحالي