وضح النقا

السلام عليكم ورحمة الله وبركاته



مبطي سفير الشوق مابهّر دلال
ولا خذا.. بأرض المحبيــن جــوله

حال الهواوي حال ..والليل غربال
ومسامر النجمـــات قــرّب افوله

بعد المسافه صب.. والحب قتال
والــــود حلقه.. طول ليلي اغوله

يسريبي الهاجوس وأقطع له اميال
وآحوم حوله.. دون مــاشوف زوله

عمري قضى مابين حلن وترحال
واللي احبّه ..مـــا تباعد ذلــوله

لازال ..بفياض المعاليق يختــال
لو الجفــا يمتد.. عرضه وطــوله

بدري على العذال ياسمح الاقبال
تقطـــع مــواثيق الغــرام وتنــــوله

وان حاولوا يدرون .اصفق بهم جال
ازور دوله ...والـــوله وســط دولــه

يتوق له قلبن به الشـــوق نزّال
مجبور يخفي عن عدوّه ميوله

عشقن على وضح النقا مابعد مال
ماغيّرت!!.. دنيا الحضــاره آصــوله

حتى عن الجوال.. ممنوع الارسال
ادرا حمــوله...وآعتزي في حمــوله


وسلامتكم!!!!

صح لسانك ........... وبارك الله فيك ........ والى الامام

ياســــــــــلام فعلا من الشعر سحر
يعطيك العافية والى الامـام

قصيدة في قمة الإبداع

صح لسانك

يعطيك الف عافية على القصيدة الرائعة
دمت بصحة وسلام

الساطع

شـكــ وبارك الله فيك ـــرا لك ... لك مني أجمل تحية .
لاهنت صح لسان شاعرها